Read Runyoro - rutooro 1 Byok 4 Bible Online

1 Byok 4 - Runyoro - rutooro bible

1 Byok 4

¹Runu nurwo oruzaaro rwa Yuda: Pereezi, Hezirooni, Karumi, Huura na Sobbali.

²Rehaya mutabani wa Sobbali, nuwe yazaire Yahasi, kizaara Ahumayi na Lahadi. Ebi nibyo bikaba biri bitabu eby'Abazorasi.

³Banu nubo batabani b'Etamu: Yezereeri, Isima na Idibbasi: ibara lya munyaanyabo, nuwe Hazelipooni,

⁴kandi Penweri akazaara Gedora, Ezeeri yazaara Huusa. Abo nubo batabani ba Huura omuzigaijo gw'Efuraata kizaara Beterehemu.

⁵Asihura ise Tekowa, akaswera abakazi babiri, Hera na Naara;

⁶Naara akamuzarra: Ahuzaamu, Heferi; Temeni, na Hahasitali. Abo nubo batabani ba Naara:

⁷Batabani ba Heera nubo banu: Zeresi, Izihayi, n'Esinani.

⁸Koozi, nuwe yazaire Anubbu, Zobbebba n'ebitabu eby'Aharaheri mutabani wa Harumu.

⁹Yabbezi akaba ali w'ekitiinisa okukira bagenzi be; nyina nukwo kumuruka ibara Yabbezi[1], habwokuba kumuzaara, akamusaaliza muno.

¹⁰Yabbezi akasaba Ruhanga owa Isirairi naagamba ati: “Ai Ruhanga, ompe omugisa, kandi ompe ensi nyingi. Oikalege na nyowe, kandi onjunege buli kibi kyona, ekisobora kunsaaliza.” Kandi eki yasabire, Ruhanga yakimuha.

¹¹Kerubbu owanyina Suuha, nuwe yazaire Mehiira, kizaara Esitoni.

¹²Esitoni, akazaara Besiraafa, Paseya na Tehina ise Irunahasi. Abo, nubo abasaija aba Rreka.

¹³Banu, nubo batabani ba Kenazi: Osiniyeli na Seraaya; kandi banu nubo batabani b'Osiniyeli: Hatasi na Meyonosayi.

¹⁴Meyonosayi nuwe yazaire Ofura; kandi Seraaya yazaara Yowabbu ise w'Abageharasimu eki baayeterwaga bati; habwokuba bakaba bali bafundi omumirimo y'engaro.

¹⁵Banu, nubo batabani ba Kalebbu mutabani wa Yefune: Iru, Era na Naamu; kandi mutabani w'Era, nuwe Kenazi.

¹⁶Banu, nubo batabani ba Yaharaleri: Ziifu, Ziifa, Tiriya n'Asaleri.

¹⁷Banu nubo batabani b'Ezira: Yesa, Meredi, Efera na Yaloni. Abo, nubo batabani ba Bisiya muhara wa Faraaho ayaswirwe Meredi, Bisiya akatwara enda, yazaara Miryamu, Samayi na Isiba ise Esitemowa.

¹⁸Kandi mukazi we Omuyudakati, nuwe yazaire Yeredi ise Gedora, Hebera ise Sooko, na Yekusiyeri ise Zanowa.

¹⁹Batabani ba muka Hodiya, munyaanya Nahamu, nubo baazaire Keira, Omugarama n'Esitemowa Omumaakasi.

²⁰Banu, nubo batabani ba Simooni: Amunooni, Rrina, Benihanani, na Tirooni. Banu, nubo batabani ba Isi: Zohesi na Bbenizohesi.

²¹Banu, nubo batabani ba Seera mutabani wa Yuda: Ere ise Leka, Laada ise Malesa n'ebitabu eby'enju ey'abakozi ab'engoye za kitaani aba Bbesasibbeya,

²²na Yokimu, n'abasaija aba Kozebba na Yowaasi, na Sarafu ayalemaga omunsi Mowabbu, yagaruka Yasubbi-lehemu, (hati ebihandiiko binu, byaira muno).

²³Abo bakaba bali babumbi, kandi basi ba Netahimu na Gedera; baikaraga oku n'omukama, nibamukorra emirimo ye.

²⁴Runu nurwo oruzaaro rwa Simyoni: Nemweri, Yamini, Yalibbu, Zeera na Sahuli;

²⁵Sarumu akaba ali mutabani wa Sahuli, Mibbusamu, akaba ali mwijukuru we, kandi Misima, akaba ali mwijukuru we ow'enyakabiri.

²⁶Banu, nubo batabani ba Misima: mutabani we ni Hamweri, mutabani wa Hamuweri nuwe Zakura, kandi mutabani wa Zakura nuwe Simeyi.

²⁷Simeyi akazaara abaana aboojo ikumi na mukaaga, kandi abaisiki mukaaga; baitu abaanyina, batazaale baana baingi, kandi ebitabu byabo byona, bitakanye nk'abantu ba Yuda.

²⁸Baikaraga Bbeeri-sebba, Molada, Hazara-suhali,

²⁹Bbiriha, Ezeemu, Toradi,

³⁰Besuweri, Horoma, Zikulagi,

³¹Bbesi-Malikabboosi, Hazara-susimu Bbesi-bbiri na Sara-himu. Okuhika Daudi ha yateeriire engoma, ezi nizo zikaba ziri mbuga zaabo.

³²Kandi Etamu, Aini, Rimoni, Tokeni n'Asani embuga itaano ebi nibyo bikaba biri byaro byabo,

³³hamu n'ebyaro byabo byona, ebikaba biheerraine embuga ezi, okuhikira kimu Baali. Omu, nuho baikaraga, kandi nuho baahandiikiraga obuzaale bwabu nkooku bwagendaga nibukuratana.

³⁴Mesobbabbu, Yamuleki, Yosa mutabani w'Amaziya,

³⁵Yoweri, Yehu mutabani wa Yosibbiya, Yosibbiya mutabani wa Seraaya, Seraaya mutabani w'Asiyeli,

³⁶Eriyo-nayi, Yaakobba, Yesohaaya, Asaaya, Adyeri, Yesimiyeri, Bbenaaya,

³⁷Ziiza mutabani wa Siifu, Siifu mutabani w'Alloni, Alloni mutabani wa Yedaaya, Yedaaya mutabani wa Simuli, Simuli mutabani wa Semaaya.

³⁸Banu abanyakugambirwe amabara, omubitabu byabo nubo bakaba bali bakuru, kandi amaju ga baisebo, gakakanya muno.

³⁹Bakagenda baahika ha ntaaho ya Gedora, harubaju orwa Burugaizooba orw'ekihanga, baserurre amagana gaabo iriisizo,

⁴⁰oku nuho baazoire iriisizo erirumu obunyansi bwingi oburungi, kandi n'ensi, ekaba eri ngazi, eculiire kandi ina obusinge; habwokuba abantu abaabandize kwikara omunsi egi, bakaba bali ba Haamu.

⁴¹Omubusinge bwa Hezekiya omukama wa Yuda, abantu abo abanyakugambirwe amabara eruguru, nubwo baagenzire Gerali, baahwerekereza eheema n'ensiisira z'abantu abaikaraga omunsi egi eyabahunimu. Abantu baababinga, baikarra kimu oku, habwokuba hakaba haliyo iriisizo erigalihire ery'okuliisizaamu entaama zaabo.

⁴²Abamu hali bo, abasaija Abasimyoni ebikumi bitaano, beebembiirwe Peratiya, Neyaliya, Rrefaaya na Uziyeri, batabani ba Isi, bakagenda ha rusozi Seyiri,

⁴³baahwerekereza Abamaleki endagalikwa abakaba batabukire, baikarra kimu oku, okuhika na hati.