Read Runyoro - rutooro 1 Byok 5 Bible Online

1 Byok 5 - Runyoro - rutooro bible

1 Byok 5

¹Runu nurwo ruzaaro rwa Rubbeni, omuzigaijo gwa Isirairi (Mazima kwo, nuwe yabaire muzigaijo, baitu obuyasitaize ekitabu kya ise, obukuru bwe bwahebwa batabani ba Yosefu, mutabani wa Isirairi; nukwo kutahandiikwa omukitabu eky'obuzaale, nibahondera eby'obukuru;

²Yuda noobwakubaire akaba ali w'amaani omubagenzi be boona, kandi omuli uwe nuho haarugire omulemi, baitu obukuru bukaba bwa Yosefu),

³banu nubo batabani ba Rubbeni omuzigaijo gwa Isirairi: Hanoki, Palu, Hezirooni na Karumi.

⁴Banu nubo batabani ba Yoweri: Semaya kizaara Googi, Googi kizaara Simeyi,

⁵Simeyi kizaara Miika, Miika kizaara Reyaya, Reyaya kizaara Bbaali;

⁶Bbaali kizaara Bbeera, Tirigasi Pirinesa omukama w'Asiriya ou yatwaire yamuzaahya; nuwe akaba ali mukuru w'Abarubbeni.

⁷Obuzaale obw'abantu baabo, ebitabu byabo nkooku biri obu bamazire kubarwa, banu nubo baabaire b'oruganda rwe: abakuru, nubo Yoweri na Zekaliya

⁸Beera mutabani w'Azazi, Azazi mutabani wa Seema, Seema mutabani wa Yoweri. Oruganda oru, rwaikaraga Aroweri omunsi eyerukutandikira aho, omumatemba okuhikira kimu Nebbo na Bbaali-myoni.

⁹Kandi baikaraga ha rubaju orwa Burugaizooba okuhikira kimu ha ntaaho y'irungi, harubaju orwa kunu orw'ekisaaru Efuraate, habwokuba omunsi egi Giryadi, ente zaabo ikakanyirayo muno.

¹⁰Kandi omu businge bwa Saulo, bakarwanisa Abahagari baabaita; baikara omu heema zaabo, okumarra kimu ensi yoona eya Burugaizooba bwa Giryadi.

¹¹Omunsi ya Bbasani, okuhikira kimu Saleka, banu nubo batabani ba Gaadi abakaba baherraine na bo:

¹²Omunsi egi Bbasani, Yoweri, nuwe akaba ali mukuru, Safamu wa kabiri, hakurataho Yanai na Safati.

¹³Kandi banu nubo b'oruganda rwabu, amaju ga Baisebo nkooku gakaba gali. Mikairi, Mesuraamu, Seeba, Yorayi, Yakani, Ziya n'Eberi, boona hamu musanju.

¹⁴Banu nubo batabani B'Abihairi mutabani wa Huuli, Huuli mutabani wa Yarowa, Yarowa mutabani wa Giryadi, Giryadi mutabani wa Mikairi, Mikairi mutabani wa Yesisayi, Yesisayi mutabani wa Yahudo, Yahudo mutabani wa Buzi;

¹⁵Ahi mutabani w'Abbudyeri, Abbudyeri mutabani wa Guuni, ogu, omu maju ga baisebo, nuwe akaba ali mukuru;

¹⁶kandi baikaraga Giryadi, Bbasani n'omu mbuga zaayo, n'omunsi eza Sarooni zoona ez'amaliisizo, okuhika nambere zaagarukiraga.

¹⁷Omu businge bwa Yosaamu omukama wa Yuda, n'obwa Yerobbowamu owa kabiri, omukama wa Isirairi, abo boona, nubwo baahandiikirirwe obuzaale bwabu nkooku bwakuratanaga.

¹⁸Abarubbeeni, Abagaadi, n'ekicweka eky'oruganda rwa Manaase, bakaba baina abasaija emanzi, abakaba batendekerwe kurungi kukwata engabu, n'empirima, kandi abaayekonyezaaga obuta, abakaba bali baramagi, nibahika emitwaro ena, enkumi ina, rusanju n'enkaaga.

¹⁹Bakarwanisa Abahagari, Abayetuli, Abanafisi n'Abanodabbu;

²⁰bakeesiga Ruhanga kandi baamusaba abakonyere, Ruhanga yabaha eki baasabire, yabasinguza Abahagiri n'abo abakaba beekobere nabo.

²¹Baanyaga amatungo gabu: engamiya emitwaro etaano, entaama emitwaro bibiri nataano, endogoyi enkumi ibiri, kandi baakwata abantu emitwaro ikumi.

²²Habwokuba, Ruhanga nuwe yarwaine obulemu, hakafa abantu baingi. Bakaikara omukiikaro kyabu, okuhika obu baazaahisibwe.

²³Abantu ab'ekicweka eky'oruganda rwa Manaase, bakaikara omunsi egi, bakaba bali baingi muno, okuruga Bbasani, okuhika Bbaali-herumooni, Seniiri, na ha rusozi Hamoni.

²⁴Omumaju gabaise bo, banu nubo bakaba bali bakuru: Eferi, Isi, Elyeri, Aziryeli, Yeremiya, Hodaviya na Yahudyeri, abarwani ab'amaani, kandi abasaija abarangaanwa.

²⁵Baitu batabe beesigwa hali Ruhanga owa baisenkurubo, bakamurugaho baaramya embandwa ez'abantu abaakaba abingire omunsi egi.

²⁶Ruhanga owa Isirairi, nukwo kutamu Puuli omukama w'Asiriya, na Tirigaasi Pirinesa, na uwe omukama w'Asiriya amaani, Abarubbeni, Abagaadi n'ekicweka eky'oruganda rwa Manaase, yabaiha aho, yabatwara Haala, Habora, Haara na, ha kisaaru Gozani, nuho bakyali okuhika na hati.