Read Runyoro - rutooro 1 Byok 6 Bible Online

1 Byok 6 - Runyoro - rutooro bible

1 Byok 6

¹Runu nurwo oruzaaro rwa Leevi: Geresoomu, Kohasi na Merali.

²Banu nubo batabani ba Kohasi: Amuraamu, Izihaara, Hebburooni na Uzyeri.

³Banu, nubo baana b'Amuraamu: Arooni, Musa na Miryamu. Banu nubo batabani b'Arooni: Nadabbu, Abbihu, Eryeza na Itamara.

⁴Eryeza akazaara Fenehaasi, Fenehaasi yazaara Abbisuwa,

⁵Abbisuwa yazaara Bbuuki, Bbuuki yazaara Uzi,

⁶Uzi yazaara Zerahiya, Zerahiya yazaara Merayoosi,

⁷Merayoosi yazaara Amaliya, Amaliya yazaara Ahitubbu,

⁸Ahitubbu yazaara Zadooki, Zadooki yazaara Ahimaazi,

⁹Ahimaazi yazaara Azaliya, Azaliya yazaara Yohanaani,

¹⁰Yohanaani owa Azaliya (ogu nuwe yaheeriize nkanyakatagara, omunju Solomooni ei yayombekere Yerusaalemu).

¹¹Azaliya akazaara Amaliya, Amaliya yazaara Ahitubbu,

¹²Ahitubbu yazaara Zadooki, Zadooki yazaara Salumu,

¹³Salumu yazaara Hirekiya, Hirekiya yazaara Azaliya,

¹⁴Azaliya yazaara Seraaya, Seraaya yazaara Yehozadaki,

¹⁵MUKAMA obu yazaahisize Yuda na Yerusaalemu, baatwarwa Nebbukadaneeza, Yehozadaki ogu nawe, nubwo yazaahisibwe.

¹⁶Banu nubo batabani ba Leevi: Geresoomu, Kohasi na Merali.

¹⁷Kandi ganu nugo amabara ga batabani ba Geresoomu: Libbuni na Simeyi.

¹⁸Banu nubo batabani ba Kohasi: Amuraamu, Izihara, Hebburooni na Uzyeri.

¹⁹Banu nubo batabani ba Merali: Mahiri na Musi. Ebi nibyo ebitabu eby'Abaleevi baisenkurubo nkooku bakaba bali.

²⁰Banu nubo batabani ba Geresoomu: mutabani we, nuwe Libbuni, Libbuni akazaara Yahasi, Yahasi yazaara Ziima,

²¹Ziima yazaara Yowa, Yowa yazaara Ido, Ido yazaara Zeera, Zeera yazaara Yeyaserayi.

²²Banu nubo batabani ba Kohasi: Aminadabbu, Koora, Asiri,

²³Erikaana, Ebyasaafu, Asiri,

²⁴Tahasi, Uryeli, Uziya, Sahuli.

²⁵Banu nubo batabani b'Erikaana: Amasayi n'Ahimoosi,

²⁶Erikaana, Zofayi, Safayi yazaara Nahasi,

²⁷Eryabbu, Yerohaamu, Erikaana.

²⁸Banu nubo batabani ba Samwiri: Yoweri nuwe omuzigaijo gwe, omusubiro nuwe Abbiya.

²⁹Banu nubo batabani ba Merali: Mahiri, Libbini Simeyi, Uza,

³⁰Simeya Hagiya, Asaaya!

³¹Esanduuko ey'Endagaano ya MUKAMA obu yamazire kutaaha omunju ya MUKAMA, banu nubo abasaija Daudi aba yakomere, yabaha omulimo ogw'okuziniramu.

³²Okuhika Solomooni obu yakamazire kwombekera MUKAMA enju Yerusaalemu, abo nubo baaheerezaaga, nibazina omumaiso g'eheema ey'okutangatanganiramu; kandi omulimo gwabu, baagukoraga omu mbu.

³³Banu nubo abasaija abaaheerezaaga, hamu na batabani baabo. Ha batabani ba Kohasi-Hemani omuzini, mutabani wa Yoweri, Yoweri mutabani wa Samwiri,

³⁴Samwiri mutabani w'Erikaana, Erikaana mutabani wa Yerohaamu, Yerohaamu mutabani w'Elyeri, Elyeri mutabani wa Towa,

³⁵Towa mutabani wa Zuufi, Zuufi mutabani w'Erikaana, Erikaana mutabani wa Mahaasi, Mahaasi mutabani w'Amasayi,

³⁶Amasayi mutabani w'Erikaana, Erikaana mutabani wa Yoweri, Yoweri mutabani w'Azaliya Azaliya mutabani wa Zefaniya,

³⁷Zefaniya mutabani wa Tahasi, Tahasi mutabani w'Asiri, Asiri mutabani w'Ebyasaafu, Ebyasaafu mutabani wa Koora,

³⁸Koora mutabani wa Izihaara, Izihaara mutabani wa Kohasi, Kohasi mutabani wa Leevi, Leevi mutabani wa Isirairi,

³⁹kandi owanyina ayayetwaga Asafu, nuwe yamwemerraga ha mukono gwe ogw'obulyo, Asafu mutabani wa Bberekiya, Bberekiya mutabani wa Simeya

⁴⁰Simeya mutabani wa Mikairi, Mikairi mutabani wa Bbaaseya, Bbaaseya mutabani wa Malikiya,

⁴¹Malikiya mutabani wa Esini, Esini mutabani wa Zeera, Zeera mutabani w'Adaaya,

⁴²Adaaya mutabani w'Esaani, Esaani mutabani wa Ziima, Ziima mutabani wa Simeyi,

⁴³Simeyi mutabani wa Yahasi, Yahasi mutabani wa Geresoomu, Geresoomu mutabani wa Leevi.

⁴⁴Ha mukono gwabu ogw'obumoso, haayemerrahoga bagenzi baabo, batabani ba Merali, nubo banu: Esaani mutabani wa Kiisi, Kiisi mutabani w'Abbudi; Abbudi mutabani wa Maluki,

⁴⁵Maluki mutabani wa Hasabbiya, Hasabbiya mutabani w'Amaziya, Amaziya mutabani wa Hirikiya,

⁴⁶Hirikiya mutabani w'Amuzi, Amuzi mutabani wa Bbaani, Bbaani mutabani wa Semeri,

⁴⁷Semeri mutabani wa Mahiri, Mahiri mutabani wa Muusi, Muusi mutabani wa Merali, Merali mutabani wa Leevi.

⁴⁸Kandi bagenzi baabo Abaleevi, bbo bakakomerwa omulimo gwona ogw'omunju ya Ruhanga.

⁴⁹Baitu Arooni na batabani be, nubo baahongaga ebihongwa haitambiro ery'ebihongwa eby'okwokya, na ha itambiro ery'okucumikirirraho obubbaani obw'omulimo gwona ogw'omu kiikaro kyona ekirukwerra kimu okukira byona, n'okuleheerra Isirairi, nibahikiriza byona, Musa omuhereza wa MUKAMA ebi yaragiire.

⁵⁰Banu nubo batabani b'Arooni: Mutabani we nuwe Eryeza, Eryeza mutabani wa Fenehaasi, Fenehaasi mutabani w'Abbisuwa,

⁵¹Abbisuwa mutabani wa Bbuuki, Bbuuki mutabani wa Uzi, Uzi mutabani wa Zerahiya,

⁵²Zerahiya mutabani wa Merayosi, Merayosi mutabani w'Amaliya, Amaliya mutabani w'Ahitubbu,

⁵³Ahitubbu mutabani wa Zadooki, Zadooki mutabani w'Ahimaazi.

⁵⁴Binu nibyo ebiikaro byabo baikaramuga, noogendera ha biikaro ebinyakuli omunda y'emitaano yabu. Batabani b'Arooni ab'ebitabu eby'Abakohasi, abo habwokuba nubo baakwasirwe itomo,

⁵⁵bakaba ha Hebburooni ey'omunsi ya Yuda, n'ensi ez'amaliisizo eziherraineho,

⁵⁶baitu emisiri ey'orubuga n'ebyaro byarwo, baabiha Kalebbu mutabani wa Yefune.

⁵⁷Batabani b'Arooni, bakabaha embuga ez'okusingirwamu, nizo zinu:

⁵⁸Hebburooni, Libbina, n'amaliisizo garwo, Yatiri, Esitemowa n'amaliisizo garwo, Debbira n'amaliisizo garwo.

⁵⁹Asani n'amaliisizo garwo na Bbesi-semesi n'amaliisizo garwo;

⁶⁰kandi ezaarugire omu ruganda rwa Benyamiini, Gebba n'amaliisizo gaarwo, Alemeesi n'amaliisizo garwo, n'Anatoosi n'amaliisizo garwo. Embuga zaabo zoona ezagabiirwe ebitabu byabo, Zikahika ikumi na isatu.

⁶¹Batabani ba Kohasi abaasigaireho, bakaheebwa embuga ikumi ezaihirwe omu nganda ez'ihanga eri, ezaihirwe omu ruganda orw'ekicweka, nikyo ekicweka ekya Manaase.

⁶²Abageresoomu, ebitabu byabo nkooku biri, bakaheebwa embuga ikumi na isatu, ezaihirwe omu nganda za Isakaara ez'Aseri, Nafutaali, n'eza Manaase ez'omu rubuga Basani.

⁶³Abameraali, ebitabu byabo nkooku biri, bakaheebwa embuga ezaihirwe ha nganda eza Rubbeni, Gaadi, na Zabbulooni.

⁶⁴Abantu ba Isirairi, nukwo baahaire bati Abaleevi, embuga hamu n'amaliisizo gaazo.

⁶⁵Kandi bakabaha embuga ezi, ezigambirwe amabara, ezaihirwe ha nganda za Yuda, Simyoni na Bbenyamiini, nibateera akaruuru.

⁶⁶Kandi ebimu ha bitabu bya batabani ba Kohasi bakatunga embuga ez'ensi yabu ezaihirwe ha ruganda rw'Efuraimu.

⁶⁷Bakaheebwa embuga ez'okusingirwamu, nizo zinu: Sekemu orunyakuli omunsi ey'ensozi ey'Efuraimu, hamu n'amaliisizo gaarwo, Gezere hamu n'amaliisizo gaarwo,

⁶⁸Yokimeyamu hamu n'amaliisizo gaarwo, Bbesi-horoni hamu n'amaliisizo gaarwo,

⁶⁹Aiyaroni hamu n'amaliisizo gaarwo, Gasi-rrimoni, hamu n'amaliisizo gaarwo,

⁷⁰kandi ha ruganda orw'ekicweka orwa Manaase, bakatunga Aneri n'amaliisizo gaarwo, Bbileyamu n'amaliisizo gaarwo, ezi, zikahebwa abaasigaireho ha bitabu by'Abakohasi.

⁷¹Ab'oruganda rwa Geresoomu bakaheebwa embuga ezaihirwe ha ruganda orw'ekicweka eky'oruganda rwa Manaase, nizo zinu: Gorani orunyakuli Bbasani, hamu n'amaliisizo gaarwo, Asitarosi, hamu n'amaliisizo gaarwo,

⁷²kandi ezaihirwe ha ruganda rwa Isaakaara, bakaheebwa Kedesi n'amaliisizo gaarwo, Dabberasi n'amaliisizo gaarwo,

⁷³Rramosi n'amaliisizo gaarwo, n'Anemu n'amaliisizo gaarwo;

⁷⁴ha ruganda rw'Asere, bakaheebwa Masaali n'amaliisizo gaarwo, Abudoni n'amaliisizo gaarwo,

⁷⁵Hukoku n'amaliisizo gaarwo, Rehobbu n'amaliisizo gaarwo;

⁷⁶kandi ha ruganda rwa Nafutaali, bakaheebwa: Kedesi, orunyakuli Galiraaya n'amaliisizo gaarwo, Hamoni n'amaliisizo garwo, Kiryasahimu n'amaliisizo gaarwo.

⁷⁷Abasigaireho ha Bameraali, bakaheebwa embuga zinu ezaihirwe ha ruganda rwa Zabbulooni: Rrimono n'amaliisizo gaarwo, Tabora n'amaliisizo gaarwo,

⁷⁸kandi obuseeri bwa Yorudaani haihi na Yeriko, ha rubaju orwa Burugaizooba orwa Yorudaani, bakaheebwaho zinu, ezaihirwe ha ruganda rwa Rubbeni: Bbezere orw'omwirungu n'amaliisizo gaarwo, Yahaza n'amaliisizo gaarwo,

⁷⁹Kedimosi n'amaliisizo gaarwo, na Mefasi n'amaliisizo gaarwo;

⁸⁰kandi ezaihirwe ha ruganda rwa Gaadi, bakahebwa zinu: Rramosi orw'omunsi Giryadi n'amaliisizo gaarwo, Mahanaimu n'amaliisizo gaarwo,

⁸¹Hesibboni n'amaliisizo gaarwo, na Yazere n'amaliisizo gaarwo.