Read Runyoro - rutooro 1 Byok 7 Bible Online

1 Byok 7 - Runyoro - rutooro bible

1 Byok 7

¹Runu nurwo oruzaaro rwa Isakaara: Toola, Puwa, Yasubu na Simirooni, boona hamu bbana.

²Banu nubo batabani ba Toola: Uzi, Refaaya, Yeryeri, Yahumayi, Ibusaamu na Semweri, nubo bakaba bali bakuru omu maju ga baisebo, nubo Abatoola, abarwani ab'amaani abaabaireho omu businge bwabo, omu businge obw'engoma ya Daudi, baahikaga obukumi bubiri, enkumi ibiri n'orukaaga.

³Uzi akazaara omwana omwojo omu, ibara lye Izurahiya. Kandi banu nubo batabani ba Izurahiya: Mikairi, Obadiya, Yoweri na Isiya, boona hamu bataano, boona bakaba bali bantu bakuru,

⁴obuzaale bwabo nkooku bukuratana, amaju ga baisebo nkooku gakaba gali, bakaba baina ebihanda eby'ihe ery'okugenda ha bulemu erirukuhika obukumi busatu n'akakaaga, habwokuba bakaba baswiire abakazi baingi, kandi bazaire abaana aboojo baingi.

⁵Beene baabo ab'ebitabu byona ebya Isakaara, bakaba nibahika obukumi munaana n'akasanju, abarwani ab'amaani, abaakahandiikirwe, obuzaale bwabu nkooku bukaba nibukuratana.

⁶Runu nurwo oruzaaro rwa Benyamiini: Beera, Bbekeri na Yedyeri, boona hamu basatu.

⁷Banu nubo batabani ba Beera: Ezibooni, Uzi, Uzyeri, Yerimoosi na Iri, boona hamu bataano, bakaba bali bakuru omu maju ga baisebo, barwani b'amaani; kandi omuhendo gwabu ogwahandiikirwe, obuzaale bwabu nkooku bwakurataine, bakahika obukumi bubiri, omu nkumi ibiri, mu asatu na bbana.

⁸Banu nubo batabani ba Bbekeeri: Zenira, Yowaasi, Eryezeeri, Eliwenayi, Omuli, Yeremoosi, Abiya, Anatoosi n'Alemeesi. Abo boona bakaba bali batabani ba Bbekeeri;

⁹omuhendo gwabu ogwahandiikirwe obuzaale bwabu nkooku bukaba nibukuratana, abakuru ab'amaju ga baisebo, abarwani ab'amaani, bakahika obukumi bubiri, n'ebikumi bibiri.

¹⁰Yedyeri, akazaara omwana omu, ibara lye Biruhaani, kandi Biruhaani akazaara abaana musanju, nubo banu: Yehusi, Benyamiini, Ehudi, Kenaana, Zesaani, Tarasiisi n'Ahisahaali.

¹¹Abo boona bakaba bali batabani ba Yedyeri, abakuru ab'amaju ga baisebo nkooku bakaba bali, barwani ab'amaani, abarukuhika akakumi kamu omu kasanju, n'ebikumi bibiri, abaikaraga beetekaniiriize obulemu.

¹²Supimu na Hupimu, batabani ba Iri, kandi Husimu mutabani w'Ahera.

¹³Runu nurwo oruzaaro rwa Nafutaali: Yahaziyeri, Guuni, Yezeri na Saruumu, baijukuru ba Biluha.

¹⁴Mutabani wa Manaase, nuwe Asiriyeli ou yazaireho mukazi we omuto Omwalemiyakati; omukazi ogu, nuwe Yazaire Makiri ise Giryadi.

¹⁵Makiri, akaswererra batabani be Hapimu na Supimu. Ibara lya munyanya bo, nuwe Maaka, kandi ery'owa kabiri, nuwe Zelofehaadi; Zelofehaadi akazaara abaana abaisiki bonka.

¹⁶Maaka muka Makiri, akazaara omwana omwojo, yamuruka ibara Paasa; kandi owayina ogu nuwe Seresi; batabani be, nubo Ulamu na Rekemu.

¹⁷Ulamu akazaara omwana omwojo, ibara lye Bedani. Abo boona baijukuru ba Giryadi, mutabani wa Makiri, mwijukuru wa Manaase.

¹⁸Kandi munyaanya Homolekesi, akazaara Isihoodi, Abyezeri na Mahura.

¹⁹Semida akazaara abaana aboojo bbana, Ahyani, Sekemu, Likihi n'Aniyamu.

²⁰Runu nurwo oruzaaro rw'Efuraimu: Suseera mutabani wa Beredi, Beredi mutabani wa Tahasi, Tahasi mutabani w'Ereyada, Ereyada mutabani wa Tahasi,

²¹Tahasi mutabani wa Zabadi, Zabadi mutabani wa Suseera, hamu n'Ezeri n'Ereyada abaisirwe abasaija aba Gaasi, abaazairwe omunsi egi, habwokuba, bakaija kunyaga ente zaabo.

²²Efuraimu isebo akabalirirra kumara ebiro bingi bagenzi be baija kumuhuumuza.

²³Efuraimu akatemba ekitabu kya mukazi we, mukazi we yatwara enda, yazaara omwana omwojo Efuraimu yamuruka ibara Beriya[2], habwokuba akabi kakaba kagweriire enju ye.

²⁴Ibara lya muhara we, nuwe Seera, nuwe yayombekere Besi-horoni zombi, eya ha nsi n'ey'eruguru, na Uzeni-Seera.

²⁵Efuraimu akaba aine na mutabani we ondi nuwe Refa, Refa ise Resefu, Resefu akazaara Teera, Teera akazaara, Rahani ise Ladani,

²⁶Ladani mutabani w'Amihudi, Amihudi mutabani w'Erisaama,

²⁷Erisaama mutabani wa Nuuni, Nuuni mutabani wa Yosuwa.

²⁸Bakaba baina itaka omu rubuga Beseeri, n'omu mbuga zaayo kandi nuho baikaraga, Burugaizooba bwa Narani Bugwaizooba bwa Gezere n'embuga zaayo, Sekemu n'embuga zaarwo, Aaya n'embuga zaayo;

²⁹n'okugendera kimu n'emitaano ey'Abamanaase, Bbesi-seyani n'embuga zaayo, Tenaki n'embuga zaayo, Migido n'embuga zaayo, Doru n'embuga zaayo. Omu biikaro ebi, batabani ba Yosefu mutabani wa Isirairi, numwo baikaraga.

³⁰Runu nurwo oruzaaro rw'Asera: Imuna, Isuva, Isuvi, Bberiya, kandi munyaanyabo, nuwe Seera.

³¹Banu nubo batabani ba Bberiya: Heberi na Malikyeri, ise Bbiruzaisi.

³²Hebberi nuwe yazaire Yafuleeti, Someri, Hosamu, na munyaanyabo Suwa.

³³Banu nubo batabani ba Yafuleeti. Pasaki, Bbimuhaali n'Asuvaasi. Abo nubo batabani ba Yafuleeti.

³⁴Banu nubo batabani ba Semeri owanyina: Rohuga, Yehubba, n'Aramu.

³⁵Banu nubo batabani ba Heremu owanayina: Zoofa, Imuna, Seresi n'Amali.

³⁶Banu nubo batabani ba Zoofa: Suwa, Harunefeeri, Suwali, Bbeeri, Imura,

³⁷Bbezeeri, Hoodi, Sama, Silusa, Isuraani na Beera.

³⁸Banu nubo batabani ba Yeseri: Yefuna, Pisupa, n'Araa.

³⁹Banu nubo batabani ba Uula: Aara, Hanyeri na Riziya.

⁴⁰Abo boona, nubo baijukuru b'Aseri. Bakaba bali bakuru b'ebitabu, abaagumiibwe, basaija abarwani endanganwa, abeebembezi abamanyirwe. Omuhendo gwabu ogwabazirwe, obuzaale bwabo nkooku bukaba nibukuratana, ab'okugenda ha bulemu, bakahika emitwaro ebiri n'akakaaga.