Read Runyoro - rutooro 1 Byok 9 Bible Online

1 Byok 9 - Runyoro - rutooro bible

1 Byok 9

¹Isirairi yoona, nukwo yahandiikirwe eti, obuzaale bwayo, nkooku bugenda nibukuratana; kandi abo bakahandiikwa omu kitabu eky'abakama ba Isirairi. Kandi Abaayuda habw'obuteesigwa bwabu, bakazaahisibwa baatwarwa Bbabbulooni.

²Abaabandize kugaruka kwikara omunsi n'omu mbuga zaabo, nubo Abaisirairi, banyakatagara, Abaleevi n'abaheereza ab'omunju ya MUKAMA.

³Abamu ha bantu ba Yuda, Bbenyamiini n'Efuraimu, n'Abamanaase bakaikara Yerusaalemu, nubo banu:

⁴Usayi mutabani w'Amihudi, Amihudi mutabani w'Omuli, Omuli mutabani wa Imuli, Imuli mutabani wa Bbani, abaarugire omu batabani ba Pereezi, mutabani wa Yuda.

⁵Kandi ha batabani b'Abasirooni: Asaaya, omuzigaijo, na batabani be.

⁶Ha batabani ba Zeera: Yehuli nab'oruganda rwabu, boona hamu rukaaga n'ekyenda.

⁷Ha Babbenyamiini: Saru mutabani wa Mesuraamu, Mesuraamu mutabani wa Hodaviya, Hodaviya mutabani wa Hasenuwa,

⁸Ibbuneya mutabani wa Yerohaamu, Era mutabani wa Uzi, Uzi mutabani wa Mikiri, na Mesuraamu mutabani wa Sefatiya, Sefatiya mutabani wa Rrewuli, Rrewuli mutabani wa Ibbuniya;

⁹hamu n'ab'oruganda rwabu, obuzaale bwabu nkooku bukuratana, boona hamu rwenda ataano na mukaaga. Abo boona, bakaba bali bakuru b'amaju ga baisebo, nkooku gakaba gali.

¹⁰Ha banyakatagara: Yedaaya, Yehoyaribbu, Yakini,

¹¹n'Azaliya mutabani wa Hirikiya, Hirikiya mutabani wa Mesulaamu, Mesulaamu mutabani wa Zadooki, Zadooki mutabani wa Merayosi, Merayosi Omutabani w'Ahitubu, omunyoro omukuru ow'Enju ya Ruhanga;

¹²n'Adaaya mutabani wa Yerohaamu, Yerohaamu mutabani wa Pasihuuru, Pasihuuru mutabani wa Marikiya, na Masayi mutabani w'Adyeri, Adyeri mutabani wa Yahuzeera, Yahuzeera mutabani wa Mesuraamu, mutabani wa Mesiremisi; Mesuraamu mutabani wa Imeeri;

¹³oihireho ab'oruganda rwabu, abakuru ab'amaju g'abaisebo boona hamu, rukumi rumu rusanju n'enkaaga, boona abasaija abarukusoborra kimu kukora omulimo ogw'okuheereza omunju ya Ruhanga.

¹⁴Ha Baleevi: Semaaya, mutabani wa Hasubbu, Hasubbu mutabani w'Azirikaamu, Azirikaamu mutabani wa Hasabiya abaarugire omu batabani ba Meraali;

¹⁵Bbakibbakara, Heresi, Garali, na Mataniya mutabani wa Miika, Miika mutabani wa Zikuli; Zikuli mutabani w'Asafu,

¹⁶n'Obadiya mutabani wa Semaaya, Semaaya mutabani wa Garali, Garali mutabani wa Yedusuuni, Yedusuuni mutabani wa Bberekiya, Bberekiya mutabani w'Asa, Asa mutabani w'Erikaana, abaikaraga omubyaro by'Abanetofaasi.

¹⁷Abaalindaga amalembo, nubo banu: Saruumu, Akubbu, Tarumooni, Ahimani n'ab'oruganda rwabu, (Saruumu nuwe akaba ali mukuru) okuhika omukasumi ako, abo nubo bakaba batairwe

¹⁸ha irembo ly'omukama ha rubaju orwa Burugaizooba. Abo nubo baabaga balinzi b'amalembo ag'orusiisira rw'Abaleevi.

¹⁹Saluumu mutabani wa Koole, Koole mutabani w'Ebyasaafu Ebyasaafu mutabani wa Koora, n'ab'oruganda rwe ab'enju ya ise Abakoora, nubo baarolerraga omulimo ogw'obuheereza, baabaga balinzi b'emiryango y'eheema, baisenkurubo nkooku baarolerraga orusiisira rwa MUKAMA, nibalinda irembo.

²⁰Omukasumi akaahingwire, Fenehaasi mutabani w'Eryeza, nuwe yabalemaga; MUKAMA yaikaraga na uwe.

²¹Zekaliya mutabani Meseremiya, nuwe yalindaga ha mulyango ogw'eheema ey'okutangatanganiramu.

²²Boona abaakomerwe kulindaga amalembo, baakahika ebikumi bibiri mu ikumi na babiri. Bakahandiikwa omu byaro byabo, obuzaale bwabu nkooku bwagendaga nibukuratana. Daudi na Samwiri omurangi, nubo baabagumize omumulimo, habwokuba bakaba bali beesigwa.

²³Bbo na batabani baabo, nukwo baarolerraga bati amalembo g'Enju ya MUKAMA, niyo Enju ey'eheema, nubo baagirindaga.

²⁴Abalinzi baikaraga ha mbaju ina, Burugaizooba, Bugwaizooba, ha matemba na ha masirimuka;

²⁵kandi ab'oruganda rwabu abaikaraga omu byaro byabo, obundi n'obundi omukasumi aka buli biro musanju, bakaba baina ekiragiro, eky'okwija kuba na banu;

²⁶habwokuba abalinzi abbana abakuru Abaleevi, nubo bakaba bali balinzi b'ebisiika n'amahurro ag'Enju ya Ruhanga.

²⁷Baaraaraga beehinguliriize Enju ya Ruhanga; habwokuba okulinda gwabaga mulimo gwabu, kandi buli nyenkya, nubo baagikinguraga.

²⁸Abamu omuli bo, baarolerraga, ebintu eby'omulimo, habwokuba, ebintu ebi, obu byabaga nibiturukibwa rundi nibitaahibwa baaragirwaga kubibara.

²⁹Abandi omuli bo bakakomwa kurolerra ebintu eby'omunju, ebintu byona ebirukwera, n'ensaano enyakuniinuukire, amagita, obubbaani, n'ebintu ebirukuboya.

³⁰Abandi ha batabani ba banyakatagara, nubo baateekanizaaga ebintu eby'okutaba ebirukuboya,

³¹kandi Matisiya omu ha Baleevi, omuzigaijo gwa Saluumu Omukoora, nuwe yarolerraga abacumbi ba keeki enkooto.

³²Kandi abamu ha b'oruganda rwabu orw'Abakohasi nubo baarolerraga omugaati ogw'okwolekwa kuguteekanizaaga buli Sabbato.

³³Kandi banu nubo abazini abakuru b'amaju g'abaisenkuru Abaleevi, abaikaraga omu bisiika by'Enju ya MUKAMA, bataina mulimo ogundi ogu barukukora, habwokuba, baakoraga nyamusana n'ekiro.

³⁴Abo bakaba bali bakuru b'amaju ga baisenkuru Abaleevi, obuzaale bwabu nkooku bwakuratanaga, bakaba bali beebembezi abaikaraga Yerusaalemu.

³⁵Gibbyoni, haikarayoga Yeyeri ise Gibbyoni, ibara lya mukazi we, nuwe Maaka,

³⁶mutabani we omuzigaijo nuwe Abudoni, hakurataho Zuuru, Kiisi. Bbaali, Neeri, Nadabbu,

³⁷Gedora, Ahiyo, Zekaliya na Mikuroosi;

³⁸Mikuroosi nuwe yazaire Simeya; abo na bo, baikaraga Yerusaalemu hamu n'ab'oruganda rwabu, nibarorangana n'ab'oruganda rwabu abandi.

³⁹Neeri akazaara Kiisi, Kiisi yazaara Saulo, Saulo yazaara Yonasaani, Merikisuwa, Abinadabu n'Esibbali;

⁴⁰mutabani wa Yonasaani nuwe Meribbu-bbali, Meribbu-bbali nuwe yazaire Miika.

⁴¹Banu nubo batabani ba Miika: Pisoni, Mereki, Tahireya n'Ahazi;

⁴²Ahazi akazaara Yaara, Yaara yazaara Alemeesi, Azimaveesi na Zimuli; kandi Zimuli akazaara Mooza.

⁴³Mooza akazaara Bbineya; kandi Rrefaaya yazaara Eryasa, Eryasa yazaara Azeeri.

⁴⁴Azeeri akazaara abaana aboojo mukaaga, ganu nugo amabara gaabo: Azulikaamu, Bokeru, Isimairi, Seyaliya, Obadiya na Hanani; abo, nubo batabani b'Azeeri.