Read Runyoro - rutooro 2 Byok 10 Bible Online

2 Byok 10 - Runyoro - rutooro bible

2 Byok 10

¹Rehobbowamu, akagenda Sekemu, habwokuba Isirairi yoona nuho ekaba eyesoroliize, emufoole mukama

²Yerobbbowamu mutabani wa Nebati, ow'akaba airukiire Misiri habwokutiina habwokuba omukama Solomooni, obuyakihuliire yarugayo.

³Baatuma, baamweta; Yerobbbowamu na Isirairi yoona yaija, baagambira Rehobbowamu bati:

⁴“Sso akatutweka ekikoligo ekiremiire. Nahabweki hati, nitukusaba oyorobye omulimo ogugumire, oyugye n'ekikoligo eki yatutaireho, nukwo tukuheereze.”

⁵Yabagarukamu ati, “Mugende mumaleyo ebiro bisatu, nukwo mugaruke hanu.” Abantu nubwo baarugire aho, baagenda.

⁶Hanyuma, Rehobbowamu yayehanuuza abasaija abakuru, abaaheerezaaga Solomooni ise akyali mwomeezi, naagamba ati, “Nimumpanuurra muta, abantu banu, mbagarukemu ki?”

⁷Baamugarukamu bati “Abantu banu obu oraabagirra embabazi, okabasemeza, okababaliza ebigambo ebirungi, baliba baheereza bawe ebiro n'ebiro.”

⁸Abasaija abakuru ebi baamuhamuliire, yabigaya, yayekaguza abasigazi aba akaba akuzire na bo, kandi abaamukorraga.

⁹Yabakaguza ati: “Abantu banu, abanyakungambiire bati, oyugye ekikoligo Sso eki yatutwekere, nimumpanuurra muta, mbagarukemu ki?”

¹⁰Abasigazi ab'akaba akuzire na bo baamugarukamu bati, “Obagambire oti, ‘Akaara kange akaheereera nikakira enyugunyu za isenyowe.

¹¹Isenyowe obu araaba yabatwekere ekikoligo nyowe ninyija kukyongeraho. Isenyowe obu araaba yabatiize enkoba, nyowe ninyija kubateeza omumya.’”

¹²Ebiro bisatu obu byahingwire, Yerobbbowamu n'abantu boona, nukwo kuhikaho Rehobbowamu, omukama nkooku yabagambiire.

¹³Omukama yagaya abasaija abakuru ebi baamuhanuliire, yabagarukamu n'ekiniga,

¹⁴abasigazi nkooku baamuhanuliire, naagamba ati, “Isenyowe akabatweka ekikoligo ekiremiire, nyowe ninyija kukyongeraho; isenyowe akabateeza enkoba, nyowe ninyija kubateeza omumya.”

¹⁵Omukama nukwo yayangire ati, kuhuliriza abantu eki baagambire; eki kikakorwa Ruhanga, MUKAMA nukwo ahikirize eki yagambiire Yerobbbowamu mutabani wa Nebati, naaraba omuli Ahija Omusiilo.

¹⁶Isirairi yoona obu yaboine omukama nkooku atafiireho eki barukwenda, baamugambira bati, “Daudi tumwinaho mugabo ki? Mutabani wa Yese, titumwinaho bugwetwa. Iwe Isirairi yoona, buli omu agaruke omu heema ye, Daudi, orolerre enju yawe.” Abaisirairi boona, nukwo kugaruka omu heema zaabo.

¹⁷Baitu Rehobbowamu, akalema abantu ba Isirairi abakaba bali omu mbuga za Yuda.

¹⁸Hanyuma, omukama Rehobbowamu yatweka Hodoramu ow'akaba ali mukuru w'emirimo ey'akagemo abantu ba Isirairi baamuteeza amabaale, baamwita. Rehobbowamu obu yakihuliire, atabandaale yatemba ekigaali kye yayeyirukira yagenda Yerusaalemu.

¹⁹Okuhika na hati, Isirairi nukwo kwikara eyemiire enju ya Daudi.