Read Runyoro - rutooro Neh 10 Bible Online

Neh 10 - Runyoro - rutooro bible

Neh 10

¹Abo abaataireho emanyikirizo nubo banu: Nehemiya, omulemi omukuru, mutabani wa Hakaliya, Zedekiya,

²Seraaya, Azaliya, Yeremiya,

³Pasihuuli, Amariya, Malikiya,

⁴Hatusi, Sebbaniya, Maluki,

⁵Harimu, Meremoosi, Obadiya,

⁶Daneeri, Ginesooni, Bbaruki,

⁷Mesulaamu, Abbiya, Miyamiini,

⁸Maaziya, Bbirigayi, Semaaya, abo bakaba bali banyakatagara.

⁹Kandi banu, nubo Abaleevi: Yeswa mutabani w'Azaniya, Binwi ow'omu batabani ba Henadaadi

¹⁰na bagenzi baabo, Sebbaniya, Hodiya, Kerita, Pelaya, Hanani,

¹¹Miika, Rehobbu, Hasabiya,

¹²Zakuli, Serebiya, Sebbaniya,

¹³Hodiya, Bbaani, na Bbenimu.

¹⁴Bakuru b'abantu nubo banu: Parosi, Pahasi Mowabbu, Eramu, Zaatu, Bbaani,

¹⁵Bbuuni, Azigaadi, Bbebbai,

¹⁶Adoniya, Bbiguvayi, Adini

¹⁷Ateri, Hezekiya, Azuli,

¹⁸Hodiya, Hasumu, Bbeziya,

¹⁹Halifu, Anatoosi, Nebbayi,

²⁰Magipyasi, Mesulaamu, Heziri,

²¹Mesezabbeeri, Zadooki, Yaduwa,

²²Pelatiya, Hanani, Anaya,

²³Hoseya, Hananiya, Hasubbu,

²⁴Haloheesi, Piliha, Sobbeki,

²⁵Rehumu, Hasabbana, Maaseya,

²⁶Ahiya, Hanani, Anani,

²⁷Maruki, Halimu na Bbaana.

²⁸Abantu abandi abasigaireho, baanyakatagara abaleevi, abalinzi, abazini, abaheereza ab'omunju ya MUKAMA, na boona abaayesoroire omu bantu ab'ensi ezindi nukwo bagumire ha Biragiro bya Ruhanga, bakazi baabo, batabani baabo, bahara baabo, boona abanyakwina amagezi n'okwetegereza,

²⁹nibeeteeraniza na bagenzi baabo, abanyoro baabo, bataaha omu mukyeno n'omu kirahiro eky'okukuratiraga ebiragiro bya Ruhanga ebi yataireho naabirabya omu mwiru we Musa, okukwata n'okuhikiriza Ebiragiro byona ebya MUKAMA Mukama waitu, okukwata n'okuhikiriza ebigambo bye.

³⁰Titulisweza bahara baitu abantu ab'ensi enu, rundi kuswererra batabani baitu bahara baabo;

³¹kandi abantu ab'omunsi egi obu baraaleetaga ebintu eby'okuguza rundi engano ha kiro kya Sabbato ebintu ebi tiwabibagulehoga, ha kiro kya Sabbato rundi ha kiro ekikuru ekindi; tulireka ebyokulya eby'omwaka gwa musanju, tuleke n'okutonga amabanja goona.

³²Naitwe nitwija kwecwera kuhaga buli mwaka ekicweka kimu kya kasatu ekya sente eky'okukora omulimo omunju ya Ruhanga.

³³Eky'okugura omugaati ogw'okuhonga, ekihongwa eky'ebyokulya eky'oruteekerro, ekihongwa eky'okwokya eky'oruteekeero, ebiro bya Sabbato ameezi amahyaka, ebiro ebikuru ebyatairweho, ebintu ebirukwera, ebihongwa eby'okwihaho ebibi eby'okuleherra Isirairi, na habw'omulimo gwona ogw'enju ya Ruhanga.

³⁴Kandi itwe banyakatagara, Abaleevi, n'abantu abandi, tutiire akaruuru, nukwo tukome enganda eziraasenyaga enku bakaireeta omunju ya Ruhanga waitu buli mwaka ha busumi obwataireho, amaju ga baisenkuruitwe mbere garukwingana, enku ez'okuhemba ha itambiro lya MUKAMA Ruhanga waitu, nkooku kyahandikirwe omu Biragiro.

³⁵Nitwecwera okuleetaga buli mwaka ebijuma eby'okubanza ebi twereze, n'ebijuma eby'okubanza ebindi eby'emiti yoona:

³⁶n'okubireetaga omunju ya Ruhanga, hali banyakatagara abanyakukora omulimo omunju ya Ruhanga, emizigaijo ey'abaana baitu n'ey'ente zaitu, nkooku kyahandiikirwe omu biragiro, emizigaijo ey'abaana baitu n'ey'ente zaitu, nkooku kyahandiikirwe omu biragiro, emizigaijo ey'ente zaitu n'ey'embuzi zaitu;

³⁷n'okuleetera omuganuro gwaitu ogw'ebyokulya ebitali birungi, ebihongwa byaitu, ebijuma eby'emiti yoona, eviini, amagita, ebi kubitwarraga banyakatagara kubitwaraga omu bisiika by'enju ya Ruhanga; n'okutwarraga Abaleevi ebicweka by'ikumi eby'ebintu ebi twereze, habwokuba omu mbuga zaitu zoona ez'omu byaro, Abaleevi nubo basoroozamu eby'ikumi;

³⁸Kandi nyakatagara mutabani w'Arooni, araabaga n'Abaleevi abo, obu baraabaga nibaheebwa eby'ikumi; bbo nukwo baleete kimu kya ikumi ha by'ikumi omunju ya Ruhanga, omu bisiika n'omulyahurro.

³⁹Leevi atwalege ekihongwa eky'ebyokulya, eviini, n'amagita omu bisiika ebinyakurumu ebikwato eby'ekiikaro Ekirukwera, na banyakatagara, abanyakuheerezamu, abalinzi n'abazini. Tutaligarahira enju ya Ruhanga.