Read Runyoro - rutooro Neh 11 Bible Online

Neh 11 - Runyoro - rutooro bible

Neh 11

¹Omu kasumi ako, abeebembezi b'abantu baikaraga Yerusaalemu; abantu abandi bakateera oburuuru okukoma omuntu omu ha bantu ikumi ow'okwikara Yerusaalemu omu rubuga orurukwera, abandi abasigaireho obu bakaba bali b'okwikara omu mbuga ezindi n'omu byaro.

²Abantu bakahaisaniza abantu boona abaikiriza n'omutima gumu kwikara Yerusaalemu.

³Abo nubo beebembezi b'abantu ab'ensi abaikaraga Yerusaalemu; baitu omu mbuga za Yuda, buli muntu yaikaraga omu kibanja kye omu mbuga z'owaabo; Isirairi, banyakatagara, Abaleevi, abaheereza ab'omunju ya MUKAMA, na baijukuru ba baheereza ba Solomooni.

⁴Omu Yerusaalemu, haikaramuga abamu ha batabani ba Yuda n'aba Benyamiini. Ganu nugo amabara g'abamu ha batabani ba Yuda: Ataaya mutabani wa mwijukuru wa Zekaliya, Zekaliya ey'Amariya, Amariya eya Sefatiya, Sefatiya eya Meharaleeri ow'omu batabani ba Pereezi;

⁵Maaseya mutabani wa Baruki, mwijukuru wa Kolihoza, Kolihoza wa Hazaaya, Hazaaya w'Adaaya, Adaaya wa Yoyalibbu, Yoyalibbu wa Zekaliya owa Silo.

⁶Abaana ba Pereezi boona abaikaraga Yerusaalemu, baahikaga ebikumi bbina nkaga na munaana, abasaija emanzi.

⁷Ago nugo amabara aga batabani ba Benyamiini: Saalu mutabani wa Mesulaamu, mwijukuru wa Yowedi, Yowedi wa Pedaaya, Pedaaya wa Kolaaya, Kolaaya wa Maase wa Maaseya Ityeri, Ityeri wa Yesaaya,

⁸ogu akuratwa Gabai, na Salayi, boona hamu rwenda omu abiri na mwenda.

⁹Mutabani wa Zikuli, nuwe akaba ali muroleerezi wabo; kandi Yuda mutabani wa Hasenwa nuwe, akaba ali wa kabiri hali abo abaarolerraga orubuga.

¹⁰Gunu nugwo omuhendo gwa banyakatagara: Yedaaya mutabani wa Yoyalibu Yakini,

¹¹Seraaya mutabani wa Hirikiya mutabani wa Mesuraamu, mutabani wa Zadooki, mutabani wa Merayosi, mutabani w'Ahitubu, omulemi w'Enju ya Ruhanga,

¹²na bagenzi baabo abaakoraga omulimo ogw'enju, boona hamu runaana omu abiri na babiri; Adaaya mutabani wa Yerohaamu mwijukuru wa Peraliya, Peraliya w'Amuzi, Amuzi wa Zekaliya, Zekaliya ya Pasihuura, Pasihuura ya Malukiya.

¹³Na bagenzi be, abeebembezi b'amaju ga baisenkurubo, ebikumi bibiri mu ana na babiri; n'Amasisayi mutabani w'Azaheeri mwijukuru w'Ahaazi, Ahaazi wa Mesiremoosi, Mesiremoosi wa Imeri,

¹⁴hamu na bagenzi baabo, abasaija ab'amaani emanzi, kikumi mu abiri na munaana; omuroleerezi wabo, nuwe Zabudyeri mutabani wa Hagedolimu.

¹⁵Banu nubo ab'Abaleevi: Semaaya mutabani wa Hasubu, mwijukuru w'Azulikaamu, Azulikaamu wa Hasabbiya, Hasabbiya wa Bbuuni,

¹⁶na Sebatayi na Yowazabaadi ab'omu banyoro b'Abaleevi, abaaroleerraga omulimo ogw'aheeru ogw'enju ya Ruhanga;

¹⁷na Mataniya mutabani wa Miika, mwijukuru wa Zabbudi, Zabbudi w'Asafu ow'akaba ali mwebeembezi ow'okubanza okusoma esaara ey'okusiima na Bbakibbukiya owa kabiri omu bagenzi be; n'Abuda mutabani wa Samuha, mwijukuru wa Garali, Garali wa Yedusuuni.

¹⁸Abaleevi boona abaikaraga omu rubuga orurukwera, bakaba bali bbikumi bibiri omu kinaana na bbana.

¹⁹Abalinzi: Akubbu, Tarumooni na bagenzi baabo abaalindaga amalembo, boona hamu bakaba bali kikumi omu nsanju na babiri.

²⁰Abaisirairi abandi abaasigaireho, abanyakatagara n'Abaleevi, abo boona baikaraga omu mbuga za Yuda, buli muntu omu butaka bwe.

²¹Baitu abaheereza ab'Enju ya Ruhanga, abo baikaraga omu kicweka kya Yerusaalemu ekinyakwetwa Oferi; Ziiha na Gisupa, nubo baabaroleerraga.

²²Omuroleerezi ayaroleerraga Abaleevi abaikaraga Yerusaalemu, nuwe Uzi mutabani wa Bbaani, mwijukuru wa Hasabbiya, Hasabbiya wa Mataniya, Mataniya owa Miika; owa batabani b'Asufu, abo nubo abazini abakaba bali ha mulimo ogw'okuzina omunju ya Ruhanga.

²³Omukama ayabategekaga, akataho ekiragiro eky'okulengera abazini ebyokulya ebirukuhika, nkooku kyabaga nikyetaagwa buli kiro.

²⁴Pasahiya mutabani wa Mesezabbeeri owa batabani ba Zera mwijukuru wa Yuda, nuwe yakoonyeraga omukama omu bintu byona ebirukukwata ha bantu.

²⁵Ebirukukwata ha byaro n'emisiri yabyo, abamu ha bantu ba Yuda baikaraga Kiryasi-arabba n'omu byaro byayo, Dibboni n'omu byaro byayo, na Yekabbuzeeri n'omu byaro byayo,

²⁶Yeswa, Molada, Besi-Pereeti,

²⁷Hazaliswali, Bbeerisebba n'omu byaro byayo,

²⁸Zikuraagi Mekona n'omu byaro byayo,

²⁹Enirimooni, Zoora, Yaramuusi,

³⁰Zanowa, Aduraamu n'omu byaro byayo, Lakisi n'emisiri yayo, n'Azeka n'omu byaro byayo. Nukwo baatiire orukande bati, okuruga Bbeeri-sebba okugarukira ha kihanga ekya Hinoomu.

³¹Abantu ba Benyamiini nabo baikaraga: Mikimaasi, Aiya, Beseeri, n'omu byaro byayo, okuruga Geebba n'okweyongera omumaiso,

³²Anatoosi, Noohu, Ananiya,

³³Hazora, Rrama, Gitahimu,

³⁴Hadidi, Zebbohimu, Nebbulaani,

³⁵Loodi, na Ono, ekihanga eky'abantu abakozi ab'emirimo y'engaro.

³⁶Ebicweka ebimu eby'Abaleevi ab'omu Baayuda, bakateeranizibwa ha ba Bbenyamiini.