Read Runyoro - rutooro Neh 12 Bible Online

Neh 12 - Runyoro - rutooro bible

Neh 12

¹Ago nugo mabara ga banyakatagara n'Abaleevi abaizire hamu na Zerubbabbeeri mutabani wa Seyarutyeri na Yeswa: Seraya, Yeremiya, Ezira,

²Amariya, Maluki, Hatusi,

³Sekaniya, Rehumu, Meremoosi,

⁴Ido, Ginesooyi, Abiya,

⁵Miyamiini, Maadia, Biriga,

⁶Semaaya, Yoyalibu, Yedaaya,

⁷Saalu, Amoki, Hirikiya, na Yedaaya. Abo nubo bakaba bali bakuru ba banyakatagara, n'abagenzi baabo, omu businge bwa Yeswa.

⁸Ago nugo amabara g'Abaleevi: Yeswa, Binwi, Kadimyeri, Serebiya, Yuda, na Mataniya ayaroleerraga hamu na bagenzi be abazini abaazinaga ebizina eby'okusiima.

⁹Bakibukia na Uno bagenzi baabo, omu bwire bw'okusoma, baayemerraga barorangaine.

¹⁰Yeswa nuwe yazaaraga Yoyakimu, Yoyakimu kizaara Eryasibbu, Eryasibbu kizaara Yoyada,

¹¹Yoyada kizaara Yonasani, Yonasani kizaara Yaduwa.

¹²Omu biro bya Yoyakimu, hakaba haroho banyakatagara, bakuru b'amaju ga baisenkurubo: ow'enju ya Seraaya, nuwe Meraaya, ow'eya Yeremiya, nuwe Hananiya,

¹³owa Ezira nuwe Mesulaamu, ow'ey'Amariya Yehohanani,

¹⁴ow'eya Maluki, nuwe Yonasaani, owa Sebaniya nuwe Yozefu,

¹⁵owa Harimu nuwe Aduna, owa Merayosi nuwe Herekayi,

¹⁶owa Ido, nuwe Zekaliya, owa Ginesooyi nuwe Mesulaamu,

¹⁷ow'ey'Abiya nuwe Zikiri, ow'eya Minyamiini owa Mowadiya, nuwe Piritayi,

¹⁸owa Biriga nuwe Samuwa, owa Semaaya, nuwe Yehonasani,

¹⁹owa Yoyaribbu, nuwe Matenayi, owa Yedaaya nuwe Uzi,

²⁰owa Salayi, nuwe Kaliya, ow'Amoki, nuwe Ebberi,

²¹owa Hirikiya, nuwe Hasabiya, kandi owa Yedaaya, nuwe Netaneeri.

²²Ebirukubaza ha Baleevi: Omu busumi bwa Eryasibbu, Yoyada, Yohanani na Yaduwa, hakaba haroho ekihandiiko eky'ebitabu by'Abaleevi n'ekya baanyakatagara, okuhika omu kasumi ka Daliya Omupaasa.

²³Batabani b'Abaleevi, abakuru b'amaju ga baisenkurubo, baahandiikwaga omu kitabu eky'obusinge bw'abakama, okuhika ha businge bwa Yohanani mutabani w'Eryasibbu.

²⁴Ago nugo amabara aga bakuru b'Abaleevi: Hasabiya, Serebbiya na Yeswa mutabani wa Kadimyeri, na bagenzi baabo abaakozire ekitebe ky'abazini ab'okuzina ebizina eby'okukugiza n'okusiima omu mbu Daudi omwiru wa Ruhanga nkooku yaragiire.

²⁵Mataniya, Bakibbukiya, Obadiya, Mesuraamu, Tarumooni n'Akubbu, nubo bakaba bali balinzi abaalindaga amaahurro aga ha malembo.

²⁶Abo bakabaho omu busumi bwa Yoyakimu mutabani wa Yeswa, mwijukuru wa Yozadaaki, n'omu bwa Nehemiya omulemi omukuru, n'omu bw'Ezira nyakatagara kandi omuhandiiki.

²⁷Omu kasumi ak'okweza ekisiika ekya Yerusaalemu, bakaserra Abaleevi omu biikaro byabo byona babaleete Yerusaalemu, basemeze n'omuhimbo omukoro ogw'okweza ekisiika, nibasiima nibazina nibatera ebitaasa, endongo n'enanga.

²⁸Batabani b'abazini, bakaruga omu biikaro bakaba bali, n'omu byaro bya Abanetofa ebyehinguliriize Yerusaalemu, baayeteeraniza hamu;

²⁹Kandi bakaruga Besi-girigali n'omu kicweka ky'ensi Gebba n'Azimavesi; habwokuba abazini bakaba beetembuliire ebyaro okwehinguliriza Yerusaalemu.

³⁰Baanyakatagara n'Abaleevi, bakeeyeza, baayeza n'abantu, amalembo n'ekisiika.

³¹Hanyuma natembya abakuru ba Yuda ha kisiika eruguru, nabacwamu ebicweka ebikooto bibiri, bisoronge by'ehingulirize orubuga, nibisiima Ruhanga. Ekimu kikatemba ekisiika ha mukono gw'obulyo, kyagenda ha irembo ery'orubungo;

³²abo baakuratwa Hosaya n'ekicweka eky'abakuru ba Yuda,

³³Azaliya, Ezira, Mesuraamu,

³⁴Yuda, Benyamiini; Semaaya, Yeremiya,

³⁵n'abamu ha batabani ba banyakatagara, nibateera, amakondere: Haakurataho Zekaliya mutabani wa Yonasaani, mwijukuru wa Semaaya, Semaaya ya Mataniya, Mataniya ya Mikaaya, Mikaya ya Zikuli mutabani w'Asafu;

³⁶n'ab'oruganda rwe Semaaya, Azaleeri, Miralayi, Giralayi, Mayi, Netaneeri, Yuda na Hanani, nibateera ebintu ebirukugamba nk'ebya Daudi omuntu wa Ruhanga; kandi Ezira omuhandiiki nuwe yabeebembiire.

³⁷Obu baarugire ha irembo ly'ensoro, baagenda babeebeembiire, baaraba ha matembero g'orubuga rwa Daudi ha matemba g'ekisiika eruguru y'enju ya Daudi, baahika ha irembo ery'amaizi erya Burugaizooba.

³⁸Ekitebe ekindi eky'abo abakaba nibasiima, kikatoma ha bumoso, n'abakuraatira nyina ekicweka ky'abantu, twatemba ekisiika, eruguru y'omunaara ogw'ebyooto, twahika ha kisiika ekinyakugalihire,

³⁹na ha irembo ery'Efuraimu na ha irembo erikuru na ha irembo ery'encu na ha munaara ogwa Hananeeri n'ogwa Hameeya, twahika ha irembo ery'entaama; baahika ha kisiika ekya ha irembo ery'abalinzi.

⁴⁰Ebitebe byombi eby'abo abakaba nibasiima, bakeemerra omu nju ya Ruhanga; nanyowe, nyina ekicweka eky'abanyoro;

⁴¹na banyakatagara: Eryakimu, Maaseya, Miniamiini, Mikaaya, Eriyohenai, Zekaliya na Hananiya nibateera amakondere;

⁴²abo bakurasirwe: Maaseya, Semaaya, Eryeza, Uzi, Yehohanani, Malikiya, Eramu na Ezeri.

⁴³Ha kiro eki, bakahonga ebyonzira bingi kandi bakaijura omuhimbo. Habwokuba Ruhanga nuwe yabaleetiire omuhimbo ogu ogutagambwa; abakazi n'abaana na bo bakasemererwa muno. Omuhimbo gwa Yerusaalemu gwahulirwa hara muno.

⁴⁴Ha kiro eki, nubwo haakomerwe abantu ab'okurolerra ebisiika eby'amaahurro ag'okwahuramu: ebihongwa, emiganuro, ebicweka eby'ikumi, ab'okusoroolezaamuga emigabo eyerukuragirwa omu biragiro ey'okukonyera b'anyakatagara, n'Abaleevi, ey'erukwingana emisiri ey'omu mbuga; habwokuba Ab'ayuda bakasiima b'anyakatagara n'Abaleevi abakaba nibabaheereza.

⁴⁵Baakoraga emikoro ey'okweza n'emigenzo endi Ruhanga ei yaragiire, nk'abazini n'abalinzi oku baakoraga nka Daudi na mutabani we Solomooni nkooku baaragiire.

⁴⁶Omu kasumi ka Daudi n'Asafu aba ira, habahoga mukuru w'abazini, kandi hakaba haroho ebizina eby'okuhaisaniza n'okusiima Ruhanga.

⁴⁷Kandi Abaisirairi boona, omu kasumi ka Zerubbabberi n'obwa Nehemiya, baahayoga emigabo eya buli kiro ey'okukoonyera abazini n'abalinzi; egi ey'Abaleevi, baagitaga ha rubaju; kandi Abaleevi nabo, baataga ha rubaju egi eya batabani b'Arooni.