Read Runyoro - rutooro Yob 11 Bible Online

Yob 11 - Runyoro - rutooro bible

Yob 11

¹Hanyuma Zofaali Omunamasi akagarukamu ati:

²“Ebigambo ebingi biti, bisemeriire kutagarukwamu, kandi omuntu arukubaza ebingi asemeriire kwihwaho, omusango?

³Okubaza kwawe, nukwo kuraaculeeza abantu, obu arateera enaku, haraaburaho omuntu akuswahiriza?

⁴Habwokuba noogamba oti: ‘Nyowe nkeegesibwa kurungi, Ruhanga taina eki arukunjunaana.’

⁵Haa boojo, kakuba Ruhanga ayesamize akanwa akabaza na iwe, kandi kakuba akugambiire ensita ez'amagezi!

⁶Habwokuba ahinguraine obwetegereza habweki, omanye Ruhanga nkooku akusaba bike, okurorra ha musango ogu orukujunanwa.

⁷“Osobora kukenga ensita za Ruhanga? Osobora kwetegereza ogu ow'obusobozi bwona h'agarukira?

⁸Araihire muno okukira iguru osobora kukora ki? Ahamire muno okukira nyabuyonga osobora kumanya ki?

⁹Ruhanga mukooto okukira ensi, kandi agalihire okukira enyanja.

¹⁰Kakuba aba naahingura, nooha asobora kumwemereza, rundi obu aba amazire kukwata ekintu, nooha amuragira ati kirekere?

¹¹Habwokuba uwe amanyire abantu ababi; obwarora obubi, taalibuteekerezaaho muno?

¹²Nk'entulege okwetendekwa; nukwo n'abadoma baligira amagezi.

¹³“Obu olisemeza omutima gwawe, nubwo olimutegera emikono obu oraaba oina obubi, obufuuhize kimu

¹⁴otaliikiriza ebibi kwikara omu maka gawe, obu, nubwo oliimukya amaiso otaina eki orukujunanwa,

¹⁵oliba n'obusinge kandi tolitiina, oliijuka enaku zaawe;

¹⁶oliziijuka nk'amaizi agagera gakahingura obwomeezi bwawe bulyera, bulyera okukira ihangwe;

¹⁷omwirima ogukaba guburumu, gulisisana obwire bwa nyenkya.

¹⁸Obu, oliba n'obwesige, habwokuba oliba n'okunihira; olijunwa ohuumule n'obusinge.

¹⁹Olibyama orambikirize, tihalibaho noomu akukanga; abantu baingi balikusaba obakonyere.

²⁰Baitu ababi balimagamaga bahoire amasiko, baliba batakyaina magezi ag'okwiruka, baliba nibanihira kimu kyonka, nukwo okufa.”