Read Runyoro - rutooro Yob 13 Bible Online

Yob 13 - Runyoro - rutooro bible

Yob 13

¹“Dora, eriiso lyange lirozire ebi byona, okutu kwange kubihuliire, kandi mbikengere.

²Ebiimanyire, na nyowe mbimanyire; timurukunkira.

³Baitu naakubalize n'Ow'obusobozi bwona, nuwe ndukugonza kuteeza empaka.

⁴Inywe, obutamanya mubuswekaswekerra nimubiiha ebisuba, inywena nimusisana abafumu abatasobora kutambira omuntu.

⁵Haa, kakuba muculiire, eki nikyo kyakwolekere nkooku muli b'amagezi!

⁶Hati, muhurre ebigambo byange, mutege amatu muhurre entongani yange.

⁷Nimuteekereza ebisuba byanyu bisobora kugasira Ruhanga? Mulimubaliza n'obucwangya?

⁸Mulyemerra ha rubaju rwe, Mulimutonganirra?

⁹Obu alibeekebiija, mulikisiima? Kandi musobora kumubiiha, nk'omuntu oku abiiha omuntu mutaahi we?

¹⁰Obu mulisoroora abantu omu nsita, mazimakwo alibahana.

¹¹Ekitiinisa kye tikiribakanga? Timulimutiina?

¹²Ebigambo byanyu eby'enfumo, nibisisana nk'iju, enkomera zanyu nizisisana nk'obudongo.

¹³“Muculeere, mumpe akaanya mbaze, eky'okumpikaho, muleke kimpikeho.

¹⁴Nyetaire omukabi Mmaliriire okuhayo obwomeezi bwange.

¹⁵Hati tinkyaina kunihira, Ruhanga noobu aranyita nabwo tindireka kumwesiga.

¹⁶Kinu nikyo kirindugiramu okujunwa, ekirukugamba ngu: omuntu atarukwikiriza Ruhanga talimurora.

¹⁷Muhurre kurungi ebi ndukugamba, mutege amatu muhurre ebi ndukusoborra.

¹⁸Entongani yange ngiteekaniize; mmanyire omusango nkooku ndukwija kugusinga.

¹⁹Kandi nooha alinteeza empaka? Habwokuba omu kasumi ako, kimpikiriire kuculeera nkafa.

²⁰Ompe ebintu bibiri byonka biti, nubwo ntalikwesereka.

²¹Olekere aho kunfubira, kandi olekere aho kunkanga.

²²Nukwo obw'olinyeta, ndigarukamu; rundi onyikirize mbaze, na iwe ongarukemu.

²³Obubi bwange n'ebibi byange nibingana nkaha? Ompe okumanya obubi bwange n'ekibi kyange.

²⁴Habwaki onyecwaho? Habwaki onkora nk'omunyanzigwa?

²⁵Nyowe ndi masa, ndi kikoora; ekirukutwarwa omuyaga n'ekisunga ekyomere, iwe olikanga.

²⁶Nonjunaana emisango ey'amaani, ei nacwire nkyali musigazi.

²⁷Okamboha amaguru, orora hoona ha ngenda, kandi oyetegereza na ha ndubata.

²⁸Omuntu ahwaho nk'ekintu ekinyakujunda asisana nk'ekyokujwara ekinyakuliibwa enkugutu.