Read Runyoro - rutooro Yob 23 Bible Online

Yob 23 - Runyoro - rutooro bible

Yob 23

¹Nubwo Yobbu yagarukiremu ati:

²“Na hati ninkyayemera kandi ninkyatontorromera Ruhanga, tinsobora kuleka kusinda.

³Haa boojo, kakuba mmanyire ekiikaro eki nsobora kumusangamu, kakuba mbaire ninsobora n'okwirra ha ntebe ye!

⁴Naakumwolekere entongana yange, naakumugambiire byona ebi ndukwenda.

⁵Naakumanyire eki yaakungarukiremu, nakwetegeriize eki yakungarukiremu.

⁶Yaakunyolekere amaani ge goona? Nangwa, obu naakubaire nimbaza, yaakuntegiire okutu.

⁷Aho, omuntu ow'omutima omurungi nuho yaakuhanuliire na uwe, omucwi wange ow'emisango, anyihireho kimu omusango.

⁸“Nserwire Burugaizooba, baitu Ruhanga taliyo, obu naserwire Bugwaizooba, ntamusangeyo.

⁹Mmuserra ha mukono ogw'obumoso, baitu timusangayo mmuserra ha gw'obulyo baitu tinsobora kumubona.

¹⁰Ruhanga amanyire omuhanda ogu ntoma, obu alindenga, alinsanga ndi murungi nk'ezaabbu.

¹¹Nkagumira omu businde bwe, nkakwata omuhanda gwe ntagurugemu.

¹²Nkakwata ebiragiro ebi yataireho, ebigambo ebi yagambire nkabyahura omu mutima gwange.

¹³Tahindahinduka, kandi nooha asobora kumuhindura? Eki agonza, nikyo akora.

¹⁴Habwokuba alihikiriza eki yantegekiire; n'ebintu ebindi nk'ebinyakumuli omu mutima.

¹⁵Eki nikyo kintiinisize kwemerra omumaiso ge, obu nteekereza nikyo kindeetera kumutiina.

¹⁶Ruhanga amumazire amaani ag'omutima; Ow'obusobozi bwona antiinisize;

¹⁷habwokuba byehinguliriziibwe omwirima, omwirima kasira gunswekere amaiso.