Read Runyoro - rutooro Yob 26 Bible Online

Yob 26 - Runyoro - rutooro bible

Yob 26

¹Nubwo Yobbu yagarukiremu ati:

²“Ogu ataina busobozi k'omukonyiire! K'ojunire omukono ogutaina maani!

³Kohanuliire ogu katakenga, kandi k'omwegeseze muno amagezi amarungi!

⁴Nooha akukonyiire kugamba ebigambo kandi mwoyo gwooha ogunyakukurugiremu?

⁵Abaafiire abali okuzimu nibatukumira, hamu n'amaizi n'ebinyakurumu.

⁶Hali Ruhanga, nyabuyonga eri busa kandi malaika wayo, tagira kyesweko.

⁷Ruhanga akabamba iguru ery'obukiizi obw'emoso kandi yagihanika omu mwanya musa.

⁸Amaizi nuwe yagakumiire omu bicu bye ebikwasire, kandi ekicu ekya hansi y'ebi tikihigwa.

⁹Okwezi akusweka ha maiso, akubuutikira ekicu kye.

¹⁰Akabaganiza ekyererezi n'omwirima, naayekonyeza ekisisani ky'enyamuziga eyatiirwe ha maizi g'enyanja.

¹¹Obu ahaguka, enyomyo ezinyakuhangiize iguru, ijuga kandi itengeta.

¹²Akaculeeza enyanja n'obusobozi bwe; akacumita Rahabbu n'obwetegereza bwe.

¹³Iguru likasemezibwa orwoya rwe, omukono gwe gukacumita enjoka ey'ekaba niiruka.

¹⁴Obu nubwo obuntu obukebuke oburukubaza ha busobozi bwe, obu nubwo obugambo obuke obu tumuhuliireho! Nooha asobora kumanyira kimu obukuru bwa Ruhanga nambere burukwingana?”