Read Runyoro - rutooro Yob 28 Bible Online

Yob 28 - Runyoro - rutooro bible

Yob 28

¹“Mazimakwo, haroho ekiina ekinyakuhaigwamu efeeza, haroho n'ekiikaro ekinyakusemerezibwamu efeeza.

²Ekyoma kiruga omwitaka, kandi omulinga gwagibwa omu butale.

³Abantu bamaraho omwirima, baserurra omu kibunda n'omu mwirima kasira, nibaserra obutale okuhikira kimu ha mutaano ogurukumalirrayo.

⁴Balima ebiina omu kihanga, hara n'abantu mbere baraara; omu biikaro nambere hatarubata muntu, baikara ha rubaju nambere hatazooka bantu, baikara nibagenda hanu na hali.

⁵Kandi ensi, yo erugwamu ebyokulya; baitu hansi y'ensi egi yonyini, ebintu byona bitemwatemwa, bisasangurwa.

⁶Ensi egi erumu amabaale ag'omuhendo aganyakwetwa safiiro, ecuucu yayo erumu ezaabbu.

⁷“Busaho nyonyi emanyire omuhanda ogu, kandi tiharoho maleere eyaguboine.

⁸Enyamaiswa ezirukwemanya tikagibamuga; entale tekagurabamuga.

⁹Abantu batema omwandara ogurukuguma dai, aiha ensozi n'emihama yazo, agijuumika.

¹⁰Emyandara agitemamu emikura, kandi arora buli kintu kyona eky'omuhendo.

¹¹Akingira ebyambu bireke kugera, kandi kyona ekiserekerwe akiturukya.

¹²“Baitu amagezi go gaikara nkaha? Kandi okwetegereza kuraha?

¹³Omuntu tamanyire muhanda oguhikya ha magezi, kandi tigali omunsi ey'aboomeezi

¹⁴Enziha neegamba eti: ‘Tigali omuli nyowe,’ enyanja neegira eti: ‘Tigali na nyowe.’

¹⁵Tigasobora kugurwa ezaabbu, tigasobora kusasurwa efeeza.

¹⁶Tigasobora kulengesanizibwa na zaabbu ey'Ofiri, tigasobora kulengesanizibwa n'amabaale ag'omuhendo Oninkisi na Safiiro.

¹⁷Ezaabbu n'ekirahule tibisobora kugaingana tigasobora kulengesanizibwa n'amabaale ag'omuhendo ag'ezaabbu enungi.

¹⁸Korali na Kristaalo, ebi otalibigambaho, amagezi g'omuhendo okukira eruru.

¹⁹Amabaale topazi aga Esopiya tigasobora kulengesanizibwa n'amagezi, amagezi nigakira zaabbu enungi muno.

²⁰“Baitu amagezi garuga nkaha? Kandi obwetegereza bwikara nkaha?

²¹Aboomeezi tibasobora kugarora, kandi gakaserekwa enyonyi ez'omu mwanya.

²²Malaika ow'okuzimu na Rufu nibagamba bati, ‘Tukahurra n'amatu gaitu ebirukugambwa ha magezi.’

²³“Ruhanga wenka nuwe amanyire omuhanda ogunyakutwara ha magezi, kandi nuwe amanyire nambere gaikara.

²⁴Habwokuba arora okuhika ha mitaano y'ensi, kandi ayetegereza kyona ekiri hansi y'iguru.

²⁵Ruhanga obu yahaire omuyaga obusobozi, obu yalengere obugazi bw'enyanja;

²⁶obu yateeriireho enjura ekiragiro, yateera omuhanda omurabyo, ogw'enkuba;

²⁷obu nubwo yagaboine yagarangirra, nubwo yageekebiizire yagagumya.

²⁸Aho akagambira omuntu ati: ‘Amagezi nukwo okutiina Ruhanga; okwetantara obubi, nubwo obwetegereza.’ ”