Read Runyoro - rutooro Yob 3 Bible Online

Yob 3 - Runyoro - rutooro bible

Yob 3

¹Ebi obu byamazire kubaho, Yobbu yayesama, kukondereza ekiro eki yazaalirweho.

³“Izooba eri nazaalirweho nirikakyenwe, n'ekiro eki nabakiirweho omunda, nikikakyenwe.”

⁴Ekiro eki nikikafooke mwirima Ruhanga ow'omwiguru aleke kukitaho omutima, nikikaleme kujwerwaho omusana.

⁵Nikikabe ky'ekibunda n'omwirima. Nikikeesoroolezibweho ebicu; nikikaleme kujwerwaho omusana.

⁶Ekiro eki nikikabe ky'omwirima kasira, nikikaleme kukisemerererwaho nk'ebiro ebindi eby'omwaka, nikikaleme kubalirwa omu biro.

⁷Ego ekiro eki nikikaigale; nikikaleme kuhuliririrwaho iraka ery'okusemererwa,

⁸nikikakyenwe abo abanyakunoba ekyererezi, abo abanyakumanyire kwimukya Edyoka.

⁹Enyunyuuzi ez'ekiro eki, emamba neesara, niikaleme kujwa, nikikeegombe ekyererezi, baitu kikibule kandi obwire nibukange kukya;

¹⁰kyena ekiro eki habw'okundeka nkazaarwa, habw'okundeetera enaku n'obusaalizi.

¹¹“Kiki ekyantangire kufeera omunda, rundi kiki ekyantangire kufa ninkyazarwa nti?

¹²Mau akanderra ki? Akanyonkeza ki?

¹³Baitu obu, naakubyamire nculeera cii; naakugwijagiire; nubwo naakuhumwire,

¹⁴hamu n'abakama n'abahi b'amagezi ab'omunsi abayeyombekiire buhyaka ebikambuuro,

¹⁵rundi hamu n'ababiito abakaba batungire ezaabbu, abakaba baijwize amaju zaabbu n'efeeza.

¹⁶Habwaki ntarabaire nk'omwana anyakuzarwa atakahikire akaserekwa? Nk'abaana abo abatarora izooba?

¹⁷Oku omu kituuro abantu nuho bafuuhiza obubi bwabo, abakozi b'emirimo abajwahire, nuho bahuumurra.

¹⁸Oku, n'abanyankomo baikara hamu nibegonza; batarukucoomerwa.

¹⁹Ab'ekitiinisa n'abatali b'ekitiinisa, oku nuho baba, abairu baba batakyalemwa bakama baabo.

²⁰“Ogu anyakuli omu bujune, habwaki ajwerwa omusana? N'ogu anyakwina obusaalizi omu mwoyo, habwaki aheebwa obwomeezi?

²¹Abo abanyakwegomba orufu, tibarubona abanyakuruserra muno okukira nkooku baserra itungo erinyakuserekerwe;

²²Abanyakwijura omuhimbo obu bahikaho ekituuro?

²³Omuntu anyakuserekerwe omuhanda habwaki ajwerwa omusana, omuntu ogu Ruhanga ou yaziitiriire orugo?

²⁴Ebiikoohe ebi nyikara ninteera, nibyo ebyokulya byange, kandi okusinda, egi niyo ngabu yange kandi ituurruka nkamaizi g'omumubiri gwange.

²⁵Habwokuba ekintu eki ntiina nikyo kimpikaho kandi ekinyakuntukumiza, nikyo kingwera.

²⁶Tintunga businge, tingira kihuumuro, emihito yange tehembya.”