Read Runyoro - rutooro Yob 35 Bible Online

Yob 35 - Runyoro - rutooro bible

Yob 35

¹Erihu akakaguza Yobbu ati:

²“Nooteekereza eki kihikire? Iwe kugamba ngu: ‘Ndi muhikiriire okukira Ruhanga?’

³Rundi kumukaguza oti: ‘Ekibi kyange nikikusaaliza kita? Omu butasiisa nkaihamu magoba ki?’

⁴Ninyija kukugarukamu hamu na banywani bawe abo'inabo.

⁵Oimukye amaiso oraramire iguru orole; orole ebicu ebinyakuli hara, okukukira.

⁶Obu oraaba wasiisire, Ruhanga okamukoraho ki, obu oliba wasiisire muno, eki nikimwitaho ki?

⁷Kakuba oba muhikiriire, oba omuhaire ki? Rundi akutungaho ki?

⁸Obubi bwawe bukoraho omuntu nka iwe, obuhikiriire bwawe bukoraho omwana w'omuntu.

⁹“Abantu obu babonabonesiibwa, bateera omuranga, nibaserra ow'okubajuna.

¹⁰Baitu busaho anyakukaguza ati: ‘Ruhanga Omuhangi wange araha? Anyakuha abantu ebizina omwitumbi?

¹¹Ogu anyakutwegesa bingi okukira ebisoro eby'omunsi anyakutuha amagezi agarukukira ag'enyonyi ez'omu mwanya?’

¹²Obu, nubwo bateera omuranga, baitu Ruhanga tabahurra, habw'emyehembo ey'abantu ababi.

¹³Mazimakwo, Ruhanga tahurra muranga ogutarumu kwikikriza, kandi ow'obusobozi bwona, tagutaho mutima.

¹⁴Leero, araasura ki, obu oraaba noogamba ngu tomubona, ngu omusango gwawe gwanjurwirwe omumaiso ge, iwe oli aho omutegeriize!

¹⁵Habwokuba tafubiza kiniga, asisana kutamanya obwemi bw'abantu,

¹⁶Yobbu nikyo arukubaliza eby'obudoma, nikyo arukweyongererra kugamba ebitarumu magezi.”