Read Runyoro - rutooro Yob 37 Bible Online

Yob 37 - Runyoro - rutooro bible

Yob 37

¹“Eki nakyo kireetera omutima gwange kwekanga, gurarra kuruga omu kiikaro kyagwo.

²Mutege amatu inywena muhurre iraka lya Ruhanga, mumuhurre nkooku arukubbaruka.

³Atuma omurabyo gwe guraba mwiguru lyona, guruga ha mpero emu ey'ensi, guhikaho endi.

⁴Obu nubwo iraka lye lihulirwa, nubwo hahulirwa iraka lye ery'ekitiinisa nkooku arukubbaruka, omu kasumi ako emirabyo n'emyalikya.

⁵Ruhanga abbaruka omu mulingo oguhuniriza; akora ebintu ebikuru ebi tutasobora kwetegereza.

⁶Habwokuba aragira ebirika ati: ‘Gwa hansi’; kandi aragira n'enjura enyingi gwa okukiraho.

⁷Ayemereza omulimo ogw'abantu boona; nukwo bamanye ngu: ‘Uwe wenka nuwe akora’

⁸Obu nubwo enyamaiswa zigenda omu biikaro byazo, nubwo ziikara omu maingira gaazo.

⁹Akairiringwa karuga omu kisiika kyako, embeho eruga omu muyaga ogwa hanu na hali.

¹⁰Orwoya rwa Ruhanga ruleetera amaizi kukwata; amaizi amaingi gakwata ahonaaho.

¹¹Ekicu ekikwasire akitamu amaizi, kandi ebicu birarangya omurabyo gwe.

¹²Bigenda nibyehinguliriza uwe nkooku arukubyebembera, nukwo bihikirize byona eby'abiragira omunsi yoona enyakwikarwamu abantu.

¹³Eki akikora, naagenderra rundi kufubira abantu, rundi habw'okubagirra embabazi.

¹⁴“Yobbu nkwesengeriize, obanze oculeere oteekereze ebyamahano Ruhanga ebi yakozire.

¹⁵Noomanya Ruhanga nkooku yateeriireho ebicu ebi, ebiragiro, kandi nkooku abiihamu omusana gwake?

¹⁶Omanyire nkooku yaingananganiize ebicu, ebyamahano, ogu endugirro ey'amagezi ebiyakozire?

¹⁷Iwe anyakwolekwa ebyokujwara byawe, ensi obu eba eculiire habw'omuyaga ogw'obukiizi obw'obulyo?

¹⁸Na iwe, osobora kukora nka uwe, kwanjurra iguru erirukuguma nk'endeberwamu enyakwagiibwe omu kintu ekindi?

¹⁹Tugambire eki turaamugambira, itwe titwina bigambo; tutwina eki turaagamba.

²⁰Bunu bagende bamugambire ngu: ndaabaza? Harabaireho omuntu ayagondeze kuhwerekerra?

²¹Hati abantu tibasobora kurora omusana obu guba nigujwa haiguru, omuyaga gumazire kuteera, gwihireho ebicu ebi.

²²Ha bukiizi obw'obumoso, niharugayo ekitiinisa nk'eky'ezaabbu; Ruhanga aina ekitiinisa ekitagambwa.

²³Ow'obusobozi bwona ogu titusobora kumuzoora; w'obusobozi bwingi, kandi mwinganiza, asaagaine obuhikiriire, talisobora kuhingisa ekiteekerezo kye.

²⁴Ow'obusobozi bwona titusobora kumuzoora; w'obusobozi bwingi kandi mwinganiza, asaagaine obuhikiriire, talisobora kuhingisa ekiteekerezo kye.”