Read Runyoro - rutooro Yob 4 Bible Online

Yob 4 - Runyoro - rutooro bible

Yob 4

¹Nubwo Erifaazi Omutema yagarukiremu ati:

²“Kakuba omuntu akubaliza ekigambo oraabihirwa? Tinkyasobora kwetanga kugamba.

³Okeegesa abantu baingi, abaceke okabagumya.

⁴Ogu ow'akaba naataratara, ebigambo byawe bikamukwatirra, abaceke okabatamu amaani.

⁵Baitu hati na iwe noolemwa kugumiisiriza; ekintu kikukwasireho wahoibwamu amaani.

⁶Okutiina Ruhanga, tokwinamu bwesige engeso zawe enungi toziinamu kunihira?

⁷“Banza oteekereze, muntu ki ow'akaba ataina musango ayahwerekeriire? Rundi oraboineho abantu abarungi abahwerekereziibwe.

⁸Nyowe eki mmanyire, abo abanyakulima emihito bakabyara kutuntura nibyo bagesa.

⁹Orwoya rwa Ruhanga nurwo rubahwerekereza ekiniga kye eky'amaani kibamaraho.

¹⁰Ruhanga aculeeza entale ezirukubbukura kandi ezirukuburuguta, aziiha n'amaino.

¹¹Entale ey'amaani efa habw'okuburwa ekyokulya, ebyana byazo biraranga.

¹²“Hati mumanyisiibwe ekintu eky'ensita, omuntu akimpwehweteriire omukutu.

¹³Omu kasumi ako omuntu ak'arooteramu, ak'agwijagiirramu muno.

¹⁴Nkacwekwa enkizi nakwatwa ekitukumo ebi byaleetera amagufa gange goona kutengeeta.

¹⁵Akabeho nkahurra nikandaba ha maiso, obutiini bwayenda kunyita.

¹⁶Naroraga ekintu kyemeriire aho, nguunura amaiso, baitu nkalemwa kukyetegereza.

¹⁷Hanyuma nahurra iraka erirukukaguza liti: ‘Omuntu ogu anyakufa, asobora kuba muhikiriire hali Ruhanga?

¹⁸Asobora kuba murungi hali omuhangi we? Ruhanga tayesiga baheereza be ab'omwiguru,

¹⁹noobwakubaire baamalaika be, abaroramu emisango nooteekereza alyesiga ekihangwa eky'ibumba, ekintu eky'ecuucu ekisobora kusasaanuka nk'enyenje?

²⁰Omuntu asobora kuba mwomeezi omu bwire bwa nyenkya, kandi naafa atakamanyirwe, orwebagyo rutakahikire.

²¹Byona ebi asangwa nabyo byenyakulirwa abandi, uwe afa atakatungire magezi.’