Read Runyoro - rutooro Yob 42 Bible Online

Yob 42 - Runyoro - rutooro bible

Yob 42

¹Nubwo Yobbu yagarukiremu MUKAMA ati:

²“MUKAMA mmanyire nkooku osobora kukora ebintu byona kandi kyona eki oba otegekere, nkooku kitasobora kutangwa.

³Nooha ogu asobora kusereka amagezi, kandi kunu uwe taina eki amanyire? Habweki, nkagamba eki ntarayetegeriize, ebintu ebirukumpuniriza muno, ebi ntaramanyire.

⁴‘Tega okutu mbaze, ninyija kukukaguza, kandi ongarukemu.’

⁵Ira lyona nahurraga abantu nibakubazaaho, baitu hati nakwerorra n'amaiso gange

⁶habweki ninyegaya nyenka, kandi ninzira ninyesiiga ecuucu n'iiju.”

⁷Obu yamazire kugambira Yobbu ebigambo ebi, akagambira Erifaazi Omutemaani ati: “Mbabiihiriirwe muno, iwe na banywani bawe ababiri; habwokuba timubalizeeho ebirungi omwiru wange Yobbu nkooku akozire.

⁸Habweki nu, hati kwata enimi musanju, n'entaama empaya musanju, ogende mb'omwiru wange Yobbu mwehongerre ekihongwa eky'okwokya; omwiru wange Yobbu abasabire, habwokuba ninyija kuhurra eki arukunsaba, ndeke kubakora ebisemeriire obudoma bwanyu; habwokuba, mutambazeeho ebirungi, omwiru wange Yobbu mwehongerre ekihongwa eky'okwokya; omwiru wange Yobbu abasabire, habwokuba ninyija kuhurra eki arukunsaba, ndeke kubakora ebisemeriire obudoma bwanyu; habwokuba, mutambazeeho ebirungi, omwiru wange Yobbu nkooku yakozire.”

⁹Aho, Erifaazi Omutemaani, Biridaadi Omusuuhi, na Zofaali Omunamasi, baagenda, baakora MUKAMA eki yabagambiire; MUKAMA yaha Yobbu eki yamusabire.

¹⁰Yobbu obu yamazire kusabira banywani be bali abasatu, MUKAMA akamuha ebintu bingi, ebirukwingana kabiri, ebi akaba ainabyo okubanza;

¹¹hanyuma, bagenzi be boona, banyanya, na boona abakaba bamumanyire kara, bakamubungira, baasemererwa na uwe; baayeteerana hamu na uwe, kandi baamuhuumuza habw'enaku ezi zoona MUKAMA ezi akaba amuleetiire; buli omu hali bo yamuha akasente n'empeta eya zaabbu.

¹²MUKAMA obwomeezi bwa Yobbu obw'okumaliira, akabumuheeramu omugisa, okukira obw'okubanza; akatunga entaama omutwaro gumu omu nkumi ina, engamiya kakaaga, ente ez'okulima enkumi ibiri, n'enkaina ebuguma rukumi.

¹³Akazaara n'abaana aboojo musanju n'abaisiki basatu.

¹⁴Ow'okubanza, akamuruka ibara Yemima, owa kabiri Keeziya, owa kasatu, Kerenihapuki.

¹⁵Kandi omunsi yoona, hakaba hatarumu bakazi abakaba basemiire nka bahara ba Yobbu; isebo akabaha itaka ery'obugwetwa bwabo hagati ya banyanyabo.

¹⁶Okuruga aho, Yobbu akomeera emyaka kikumi mu ana, abaana be baakura, yarora abaijukuru ab'enyakana

¹⁷kandi yafa akuzire muno.