Read Runyoro - rutooro Yob 9 Bible Online

Yob 9 - Runyoro - rutooro bible

Yob 9

¹Hanyuma Yobbu akagarukamu ati:

²“Ego, mmanyire, eki nukwo kiri: Omuntu asobora ata kuhikirra hali Ruhanga?

³Omuntu kakuba ayenda kumuteeza empaka, asobora kukaguza ebikaguzo rukumi, omuntu n'omu ebi atasobora kugarukamu.

⁴Ruhanga w'amagezi kandi w'obusobozi, nooha asobora kumweremera akaburwa ekyokumukora?

⁵Ruhanga ogu, anyakwihurra ensozi, zo zitamanyire, obu aba naazijuumika abiihirwe;

⁶ogu anyakucukumya ensi akagiiha omu kiikaro kyayo, enyomyo zaayo ikatengeeta;

⁷anyakuragira izooba likalema kwimuka; anyakutaho enyunyuuzi emanyiikirizo;

⁸ogu wenka ayagalihize iguru, anyakurubatira, ebigonzi by'enyanja;

⁹ayahangire edubu, Oryoni; enyunyuuzi n'ebisiika ebya bukiizi obw'obulyo

¹⁰ogu anyakukora ebintu eby'amaani ebiteetegerezibwa; kandi ebinyakuhuniriza ebitabarwa.

¹¹Haa, andabaho, baitu timmubona; airrayo omumaiso, baitu timwetegereza.

¹²Atwara kyona eki akagonza; kandi nooha asobora kumutanga? Nooha asobora kumukaguza ngu: ‘Eki n'okora ki?’

¹³“Rahabbu: ekijaijana ky'omunyanja ekyanihirwaga kuleeta akatabanguko ka buli mulingo.

¹⁴Nsobora nta kumugarukamu?

¹⁵Noobu ndaaba ntaina musango, nabwo tinsobora kumugarukamu; kimpikiriire kusaba ekiganyiro ogu arukunjunaana.

¹⁶Noobu naakumwesire akangarukamu, tinaakwikiriize nti abaire antegiire okutu.

¹⁷Nuwe anteeza ihunga nansaasangura, nuwe amputaaza muno ataina kigendererwa.

¹⁸Talindeka nkaikya, obwomeezi bwange akabutamu obusaalizi

¹⁹Ndengeho amaani? Ka nuwe kirimaani! Rundi ngende omu kooti? Mara nooha araamweta?

²⁰Noobu ndaaba ntaina musango, akanwa kange konyini nikaguntaho; n'obu ntaina kamogo enyemeza obwereme

²¹noobu ndaaba ntaina kamogo, alintaho obwereme. Tinyina musango, baitu tinkyaina eki ndukufaaho.

²²Tinkyayenda bwomeezi. Tibwina mugaso. Byona nikyo kimu; nikyo ndukugambira nti Ruhanga alituhwerekereza itwena, abaina n'abataina musango.

²³Omuntu ataina musango obu aguruka akafa, ogu omuterra enaku.

²⁴Ruhanga ensi akagiha ababi, abacwi b'emisango boona akabaita amaiso. Obwaraba atarakozire eki, nooha yakikozire?

²⁵“Ebiro byange nibyanguha muno okukira omutwazi w'amakuru; nibyanguha nibigenda, tibirukurora kirungi na kimu.

²⁶Nibihingura nk'amaato ag'amabingo, nk'isamba erirukugwera ekintu.

²⁷Obu mmwegerra nkalengaho kwebwa obusaalizi bwange, emihito yange yoona egaruka enyekumaho;

²⁸aho mmanya Ruhanga nkooku antaireho omusango. Ndi w'okusingwa omusango, nintalibanira ki?

²⁹Ndijunaanwa nahabweki, ntalibanira busa.

³⁰Noobu naakwoga ebirika nkanaaba n'esabbuni,

³¹nabwo oli w'okuunaga omukiina, noobwakubaire ebijwaro byange byonyini bintamwa.

³²Habwokuba, tali muntu nka nyowe, ngu ndaamugarukamu, ngu ndaatongana na uwe.

³³Busaho ow'okutucwamu, ow'asobora kutukwataho itwembi.

³⁴Leka anyiheho omwigo gwe, kandi alekere aho kunkanga.

³⁵Obwo nubwo naakubalize ntarukumutiina, habwokuba omutima gwange ningumanya.