Read Runyoro - rutooro Zab 102 Bible Online

Zab 102 - Runyoro - rutooro bible

Zab 102

¹Ai MUKAMA ohurre okusaba kwange; okukunga kwange kukuhikeho!

²Obu ndaabaga omu muhito, otalinsereka amaiso gawe; ha kiro eki ndakweterahoga ontegerege okutu ongarukemu bwango!

³Habwokuba ebiro byange nibihingura bwango nk'omwika, kandi amagufa gange nigaaka nk'ekikoomi.

⁴Omutima gwange gutemerwe nk'obunyansi, kandi guhotokere; ninyebwa n'okulya ebyokulya byange

⁵Habw'okusinda muno, amagufa gantunamire

⁶ninsisana esega ey'omwirungu ndi nk'ensindizi ey'omu bikambuuro;

⁷nyikara nindora tingwijagira, nsisana nk'ekinyonyi ekikwatwa amasu ha nju eruguru.

⁸Okwiza obwire, abanyanzigwa bange basiiba nibanjuma, abaanyumizaaga, hati nubo barukunkyena.

⁹Iju nibyo byokulya ndya, eky'okunywa kyange, nkitabamu amaziga ag'amaiso gange.

¹⁰Habwokuba, okampimba kwonka, nukwo wanteera hansi. Habw'okubihirwa n'ekiniga kyawe; iwe okampimba waanaga.

¹¹Ebiro byange nibisisana nk'ekiituuru ekya rwebagyo, mpotokere nk'obunyansi.

¹²Ai MUKAMA, baitu iwe oikaliire ha kitebe ky'obukama, ebiro byona; ibara lyawe liriikaraho ebiro byona.

¹³Imuka oganyire Siyoni; kanu nuko akasumi ak'okurugirra embabazi; akasumi akaaraganiziibwe kahikire.

¹⁴Habwokuba abaheereza bawe, bagonza muno Siyoni, kandi nibasalirwa okuhwerekerezibwa kwarwo.

¹⁵Amahanga goona nubwo galitiina ibara lya MUKAMA, kandi abakama boona batiine ekitiinisa kyawe

¹⁶Habwokuba, Siyoni MUKAMA alirwombeka buhyaka, alizooka omu kitiinisa kye;

¹⁷alitega amatu ahurre okusaba kw'abanaku, kandi taligaya kwesengereza kwabo.

¹⁸Kinu kihandiikirwe abantu ab'ebiro ebirukwija, abantu abatakazairwe nukwo basobole kukugiza MUKAMA nibagamba ngu:

¹⁹MUKAMA akeema haiguru omu kiikaro kye ekirukwera, yarora, akeema omwiguru yarora omunsi.

²⁰Nubwo ahurre okusinda kw'abanyankomo, alekere abo abakaba bacweriirwe omusango ogw'okufa;

²¹abantu nukwo barangirre ibara lya MUKAMA omu rubuga Siyoni bamuhaisanize omurubuga Yerusaalemu,

²²Amahanga n'amakama galyesorooza, kuramiza hamu MUKAMA.

²³MUKAMA amaani gange agacwiire kara ebiro byange abikeeheze.

²⁴Ai Ruhanga, otantwara hati ntakakizire iwe ayomiire, ebiro n'ebiro!

²⁵Kara na kara, niiwe wataireho omusingi gw'ensi. Kandi iguru, nugwo omulimo ogw'engaro zawe;

²⁶Ebi byona birihwaho, baitu iwe oliikaraho; byona birikura nk'ebyokujwara. Olibihingisa nk'orugoye, kandi birihwaho;

²⁷baitu iwe wenka, niiwe omu atahinduka, kandi emyaka yawe tenyina h'okugarukira.

²⁸Abaana b'abaheereza bawe baliikara n'obusinge; abaijukuru baabo, baligumibwa Omumaiso gawe.