Read Runyoro - rutooro Zab 111 Bible Online

Zab 111 - Runyoro - rutooro bible

Zab 111

¹Ndakugiza MUKAMA n'omutima gwange gwona, Ndisiima MUKAMA, ndi hagati y'abarungi, omu kitebe ky'abantu be.

²Emirimo ya MUKAMA y'amaani! Abo boona abagisemerererwa bagonza kugyetegereza.

³Emirimo ye ijwire obukuru n'ekitiinisa, okuhikirra kwe kwikaraho ebiro byona.

⁴Emirimo ye akagifoora yookwijukwaga; MUKAMA munyambabazi kandi muganyizi.

⁵Abo abamutamu ekitiinisa, abaha ebyokulya; ataho omutima endagaano ye.

⁶Abantu be akabooleka obusobozi obw'emirimo ye, obu yabahaire ensi z'amahanga agandi okuba bugwetwa bwabo.

⁷Emirimo ye yoona, akagikora omubwesigwa n'omu bwinganiza; ebiragiro bye byona, byokwesiga,

⁸bikateebwaho habw'ebiro byona, bikaheebwa omu mananu n'omu burukwera

⁹Abantu be akabacungura; akaragira endagaano ye ebiro byona. Ibara lye niryera kandi ly'okutiinwa!

¹⁰Omu kutiina MUKAMA nuho habandiza amagezi; Abanyakukora bati, batunga okwetegereza kwingi. Okukugizibwa kwe kuraikarahoga ebiro byona!