Read Runyoro - rutooro Zab 116 Bible Online

Zab 116 - Runyoro - rutooro bible

Zab 116

¹Ngonza MUKAMA, habwokuba, akahurra iraka lyange n'okwesengereza kwange.

²Habwokuba akantegera okutu, akasumi koona obu ndiba ndi mwomeezi, nikyo ndamwebingiraga.

³Emitego y'orufu ekanyehinguliriza; okuhururwa kwa Nyabuyonga kukankwata; nkabona obujune kandi nkasaalirwa.

⁴Nukwo kukunga ibara lya MUKAMA niingamba nti: “Ai MUKAMA nkwesengeriize, ojune obwomeezi bwange!”

⁵MUKAMA munyambabazi kandi muhikiriire; Ruhanga waitu aba muganyizi

⁶MUKAMA alinda abanyakwebundaaza; obu nabundaaziibwe akanjuna.

⁷Ai Mwoyo gwange, garuka omubuhuumurro bwawe; Habwokuba MUKAMA akukoliire bingi.

⁸Habwokuba akankiza kufa, yasusura amaiso gange amaizi, kandi yankwatirra, tinayesiitara nkatabaijuka.

⁹Ndagenderaga omumaiso ga MUKAMA, omunsi ey'aboomeezi.

¹⁰Noobu ndiba nagambire nti, “Nsasanguliirwe kimu” baitu nkeeyongera kwikiriza.

¹¹Obutiini obu bukaba buraaliire kunyita, nubwo nagambire nti, “Abantu boona tibali b'okwesiga.”

¹²MUKAMA ndimugarurra ki, habw'ebingi byona ebi yampaire?

¹³Ndiimukya ekikompe eky'okujunwa, nkunge ibara lya MUKAMA;

¹⁴Ndihikiriza ebi namuraganiize, abantu be boona nibarora.

¹⁵Okufa kw'abahikiriire, Omumaiso ga MUKAMA kintu ky'omuhendo.

¹⁶Ai MUKAMA, ndi mwiru wawe; ndi mwiru wawe omwana w'omuzaana wawe. Niiwe wanyihiremu enjegere.

¹⁷Ndaakuhongeraga ekyonzira eky'okusiima, ninkunga ibara lya MUKAMA.

¹⁸Ndihikiriza ebi naraganiize MUKAMA, abantu be boona nibarora,

¹⁹omu bikaali eby'enju ya MUKAMA, omuli iwe hagati, Yerusaalemu. Mukugize MUKAMA!