Read Runyoro - rutooro Zab 135 Bible Online

Zab 135 - Runyoro - rutooro bible

Zab 135

¹Mukugize MUKAMA Mukugize ibara lya MUKAMA; mumukugize inywe abaheereza ba MUKAMA,

²inywe abanyakwemerra omunju ya MUKAMA, omu zigati z'enju ya Ruhanga waitu!

³Mukugize MUKAMA, habwokuba murungi; muzine nimukugiza ibara lye, habwokuba munyambabazi!

⁴MUKAMA akeekomeramu wenka Yakobbo, Isirairi abe we bweremera.

⁵Kinu nkimanyire nti Ruhanga Mukuru kandi naakira embandwa zoona.

⁶MUKAMA kyona ekyagonza akikora, omwiguru n'omunsi, omu mayanja n'omu nziha.

⁷Nuwe aragira ebicu biruga ha mpero z'ensi. Ogu anyakuhindisa enkuba omu njura kandi nuwe aihayo omuyaga kuruga omu lyahurro lye.

⁸Nuwe yatemere emizigaijo ya Misiri, ey'abantu n'ey'ebisoro;

⁹Ai Misiri, hagati omuli iwe nuho yasindikire obwokurorraho n'ebihuniriza naafubira Faraaho n'abatungwa be;

¹⁰ayahwerekeriize amahanga maingi naatema abakama emanzi,

¹¹Sihoni, omukama w'Abamooli Ogi, omukama wa Bbasaani, n'amakama goona aga Kanaani,

¹²ensi zaabo akazihayo bube bugwetwa, bube bugwetwa hali abantu be Isirairi.

¹³Ai MUKAMA, Ibara lyawe liikaraho ebiro byona Ai MUKAMA, okurangaanwa kwawe kw'ebiro n'ebiro.

¹⁴Habwokuba MUKAMA alicweramu abantu be omusango, kandi abairu be alibagirra embabazi.

¹⁵Ebisisani by'amahanga biba feeza na zaabbu, eba mirimo y'emikono y'abantu.

¹⁶Bigira akanwa, baitu tibibaza, bigira amaiso baitu tigarora,

¹⁷bigira amatu, baitu tigahurra, tibisobora noobukwakuba kwikya.

¹⁸Abo abanyakubikora basisana nabyo! Ego, n'abo boona abanyakubyesiga nukwo bali!

¹⁹Iwe enju ya Isirairi, mukugize MUKAMA! Ai enju y'Arooni, mukugize MUKAMA!

²⁰Inywe enju ya Leevi, mukugize MUKAMA! Inywe abanyakutiina MUKAMA, mukugize MUKAMA.

²¹MUKAMA ahaisanizibwe omu Siyoni, ogu anyakwikara omu Yerusaalemu! Mukugize MUKAMA.