Read Runyoro - rutooro Zab 136 Bible Online

Zab 136 - Runyoro - rutooro bible

Zab 136

¹Musiime MUKAMA, habwokuba murungi, engonzi ze ezitayuga z'ebiro byona.

²Musiime Ruhanga anyakukira embandwa zoona, habwokuba engonzi ze ezitayuga z'ebiro byona.

³Musiime MUKAMA w'abakama; habwokuba engonzi ze ezitayuga z'ebiro byona;

⁴Ogu wenka anyakukora ebikuru, ebihuniriza, engonzi ze ezitayuga ziikaraho ebiro byona.

⁵Habw'amagezi ge akakora iguru; engonzi ze ezitayuga ziikaraho ebiro byona.

⁶Ayayaliire ensi hamaizi, baitu engonzi ze ezitayuga z'ebiro byona;

⁷Ogu ayakozire iguru n'okwezi, engonzi ze ezitayuga z'ebiro byona;

⁸izooba kulemaga nyamusana engonzi ze ezitayuga z'ebiro byona.

⁹Okwezi n'enyunyuuzi kulemaga obwire bw'ekiro, engonzi ze ezitayuga z'ebiro byona.

¹⁰Ruhanga ogu ayatemere emizigaijo ya Misiri, engonzi ze ezitayuga z'ebiro byona;

¹¹Aba Isirairi yabaiha hagati yabo, engonzi ze ezitayuga ziikaraho ebiro byona;

¹²n'engaro ez'amaani n'omukono ogugoroirwe, engonzi ze ezitayuga ziikaraho ebiro byona;

¹³Ogu ayabaganizeemu habiri Enyanja Erukutukura; engonzi ze ezitayuga z'ebiro byona.

¹⁴Yayambura aba Isirairi naabarabya hagati yayo, engonzi ze ezitayuga z'ebiro byona.

¹⁵Baitu Faraaho n'amahe ge akabadikiza omu nyanja Erukutukura, engonzi ze ezitayuga z'ebiro byona;

¹⁶Ogu ayayebembiire abantu be kubarabya omwirungu, engonzi ze ezitayuga z'ebiro byona;

¹⁷Akaita abakama ab'obusobozi, engonzi ze ezitayuga z'ebiro byona;

¹⁸Yaita n'abakama rurangaanwa, engonzi ze ezitayuga ziikaraho ebiro byona;

¹⁹Sihooni, omukama w'Abamooli, engonzi ze ezitayuga z'ebiro byona.

²⁰Na Ogi omukama wa Bbasaani, engonzi ze ezitayuga z'ebiro byona;

²¹ensi zaabo yaziha abantu be kuba bugwetwa, engonzi ze ezitayuga ziikaraho ebiro byona.

²²Obugwetwa hali omwiru we, engonzi ze ezitayuga ziikaraho ebiro byona.

²³Nuwe yatwijukire omubuceke bwaitu, engonzi ze ezitayuga z'ebiro byona;

²⁴yatujuna hali abanyanzigwa baitu, engonzi ze ezitayuga z'ebiro byona;

²⁵Nuwe aha buli kihangirwe kyona ebyokulya, engonzi ze ezitayuga z'ebiro byona.

²⁶Musiime Ruhanga ow'omwiguru, engonzi ze ezitayuga z'ebiro byona!