Read Runyoro - rutooro Zab 14 Bible Online

Zab 14 - Runyoro - rutooro bible

Zab 14

¹Omudoma ateekereza omu mutima gwe ati, “Tiharoho Ruhanga.” Bajunzire nibakora ebintu ebirukunugwa busaho n'omu arukukora karungi.

²MUKAMA ayema omwiguru arolerra abantu arole obu haraaba haroho abarukukora eby'amagezi, obu haraaba haroho abarukuserra Ruhanga.

³Boona bahabire, boona basiisikaire omumulingo gumu. Busaho n'omuntu arukukora karungi, taroho, tiharoho n'omu.

⁴Enkozi z'ebibi zoona, abarukuliira kimu abantu bange, bakabamaraho, nk'abarukulya omugaati, tibaina magezi, kandi tibeeta Ruhanga?

⁵Balitiina muno, habwokuba Ruhanga aikara ha ruzaaro rw'abahikiriire.

⁶Ego osobora kuburanganiza entegeka z'omunaku, baitu MUKAMA nuwe bwirukiro bwe.

⁷Haa, okujunwa kwa Isirairi kakuba kurugire Siyoni! MUKAMA obu aligarurra abantu be omugisa, Yakobbo alikyanganuka, Isirairi alitunga omuniiniiro.