Read Runyoro - rutooro Zab 142 Bible Online

Zab 142 - Runyoro - rutooro bible

Zab 142

¹Nkunga MUKAMA n'iraka lyange, nyesengereza MUKAMA n'iraka lyange,

²Ebi ndukuhyemera byona mbimwoleka, mwoleka emihito yange.

³Obwomeezi bwange obu buhoibwamu amaani iwe omanya ekinsemeriire kukora! Bakasereka omutego omu muhanda ogu ndabamu.

⁴Magamaga ha rubaju rw'obulyo, ndolerra, baitu nsaanga hataliyo muntu n'omu w'okunkoonyera; busaho bwirukiro bwona, busaho muntu n'omu anyakuntaho omutima.

⁵Ai MUKAMA, nkukunga, ninkugambira nti: Niiwe bwirukiro bwange, omugabo gwange omunsi y'aboomeezi.

⁶Oteho omutima okukunga kwange; habwokuba mbundaziibwe muno! Onjune hali abo abampiiganiza; habwokuba nibankira muno amaani!

⁷Onyihe omu nkomo, mbe n'obugabe kusiima ibara lyawe! Abahikiriire balinyehinguliriza; habwokuba oliba ongiriire embabazi nyingi.