Read Runyoro - rutooro Zab 144 Bible Online

Zab 144 - Runyoro - rutooro bible

Zab 144

¹MUKAMA akugizibwe omwandara gwange, anyakuntendeka eby'okurwana, n'enkumu zange eby'obulemu;

²Omwandara gwange kandi ekigo kyange, orukomera rwange, engabu yange kandi ou nyirukiraho, anyakunsinguza amahanga.

³Ai MUKAMA, omuntu nuwe oha iwe kumutaho omutima, rundi omwana w'omuntu kumuteekerezaaho?

⁴Abantu basisana nk'orwoya, ebiro byabo biri nk'ekiituuru ekinyakuhinguraho.

⁵Ai Mukama, oinamye iguru lyawe osirimuke hansi! Okwateho ensozi zicuuke omwika!

⁶Omulikye omurabyo gw'enkuba gubararangye, orase emyambi yaawe ebabinge.

⁷Oyeme omwiguru ogorre omukono gwawe onsahule kandi onjune onyihe omu nziha y'amaizi amaingi, n'omu maani g'abanyamahanga,

⁸ab'akanwa akanyakubaza ebisuba kandi abanyakurahira n'omubugobya bagoroire emikono yabo ey'obulyo.

⁹Ai Ruhanga, ndaakuzinira ekizina ekihyaka; ninteera enanga y'emigoye ikumi,

¹⁰iwe anyakuha abakama obusinguzi, anyakujuna Daudi omwiru waawe.

¹¹Onsahule hali empirima erukururuma, onjune kuruga omu mukono gw'abanyamahanga, abaakanwa akanyakubiiha ebisuba n'abanyakurahira n'obugobya bagoroire omukono gwabo ogw'obulyo.

¹²Abatabani baitu omu busigazi bwabo nibakasisane ebibyarwa ebikuzire n'amaani abahara baitu nibakasisane nk'enyomyo z'omunsonda ezinyakusarwa kwombeka ebikaali.

¹³Amaguli gaitu, nigakaijule gakabooga ebirimwa eby'emiringo yoona; entaama zaitu omu maliisizo gaitu nizikazaalege ebyana enkumi n'obusiriira.

¹⁴Ente zaitu zoona nizikakuzeege zikazaara zitakiikire rundi kutorooga; enguudo zaitu itahuliirwamu empamo habw'emihito.

¹⁵Beesiimire abantu abaheebwa emigisa nk'egi! B'omugisa abantu abo abatungwa Ruhanga, kuba MUKAMA wabo!