Read Runyoro - rutooro Zab 145 Bible Online

Zab 145 - Runyoro - rutooro bible

Zab 145

¹Ndakunyumizaaga iwe Ruhanga wange kandi Mukama, ndakugizaaga ibara lyawe ebiro n'ebiro.

²Buli kiro ndaakusiimaga ninkugiza ibara lyawe ebiro n'ebiro.

³MUKAMA mukuru, asemeriire kuhaisanizibwa muno, n'obukuru bwe buhinguraine kwetegerezibwa

⁴Ab'ebiro ebi barahaisizaaga abaana n'abaijukuru baabo ebi wakozire, n'okubusoborra ebikorwa eby'obusobozi bwe.

⁵Kwangasana kw'ekitiinisa kyawe n'obukuru bwawe, nyowe ndaayecumiitirizaaga ha mirimo yaawe ey'okuhuniriza.

⁶Abantu baraarangirraga obusobozi n'ebikorwa byawe katiinisa, kandi nyowe ndaamanyisaaga ha bukuru bwawe.

⁷Baraasaasaanizaaga okurangaanwa kw'embabazi zaawe nyamwingi, n'okuzina n'omuhimbo hakuhikirra kwawe.

⁸MUKAMA aganyira kandi w'embabazi, Takwatwa ekiniga bwango, n'engonzi ze tizihinduka.

⁹MUKAMA murungi hali boona, embabazize ebihangwa bye byona.

¹⁰Ai MUKAMA, byona ebi wahangire birakusiimaga, abarukwera baawe baraakukugizaaga!

¹¹Barabazaaga ha kitiinisa ky'obukama bwawe, nibasubiirra ha busobozi bwawe,

¹²nukwo bamanyise boona ebikorwa byawe eby'amaani, n'okwangasana okw'ekitiinisa eky'obukama bwawe.

¹³Obulemi bwawe bw'ebiro byona, n'obukama bwawe bwikaraho ebiro n'ebiro MUKAMA tahindura bigambo bye ebikorwa bye biba by'embabazi.

¹⁴MUKAMA akwatirra abarukugwa kandi aimukya abo boona abanyakubundaazibwa hansi.

¹⁵Amaiso g'ebihangwa byona garolerra iwe, byona obiha ebyokulya byabyo omubusumi obusemeriire.

¹⁶Oyanjurra engaro zaawe, oigusa buli kintu kyona ekyomeezi ebyokulya kirukwetaaga.

¹⁷MUKAMA aba mwinganiza omu mihanda ye yoona, kandi w'embabazi mubyona ebyakora.

¹⁸MUKAMA aba haihi boona abamukunga, hali abo boona abamukunga omumananu.

¹⁹Abo boona abanyakumutamu ekitiinisa, ahikiriza naabaha ebi beetaaga, n'okurra kwabo akuhurra, abajuna.

²⁰MUKAMA aliinda boona abamugonza; baitu ababi boona alibabuuleeza.

²¹Akanwa kange karaikara nikakugiza MUKAMA obutoosa, byona ebi nyina omumubiri, bikugizeege ibara lye erirukwera ebiro n'ebiro.