Read Runyoro - rutooro Zab 16 Bible Online

Zab 16 - Runyoro - rutooro bible

Zab 16

¹Ai Ruhanga onkingire, habwokuba niiwe nyebinga.

²Ninkugambira MUKAMA nti, “Niwe MUKAMA wange; Ntali na iwe tingira karungi.”

³Abahikiriire abanyakuli omunsi, nubo b'ekitiinisa nubo nkyanganukira,

⁴Abo abanyakwegombooza ruhanga ondi, beekanyisiza obujune; tindibaitururra bihongwa byabo eby'esagama, rundi kugamba amabara gaabo n'eminwa yange.

⁵MUKAMA nuwe mugabo gwange omutongole kandi nuwe kwetaaga kwange; ebyange byona nuwe abikwasire.

⁶Ebintu byona bingendiire kurungi, obugwetwa bwange burungi mali.

⁷Ninsiima MUKAMA anyakumpa amagezi; n'omu bwire bw'ekiro, omutima gwange gumpabura.

⁸Obutoosa, MUKAMA nuwe nyebembeza; habwokuba anyikara hamukono gwange ogw'obulyo, busaho ekisobora kuntengeesa.

⁹Habweki, omutima gwange niguniiniirwa; kandi nkyanganukiire kimu n'omubiri gwange gwikara guteekaine.

¹⁰Habwokuba tolindeka nkagenda Nyabuyonga, kandi toliikiriza nyowe ou ogonza kugenda omu kiina.

¹¹Niwe onyoleka omuhanda ogw'obwomeezi; Omumaiso gawe nuho hali omuhimbo ogwijwire, ha mukono gwawe ogw'obulyo, nuho hali okusemererwa okutahwaho.