Read Runyoro - rutooro Zab 21 Bible Online

Zab 21 - Runyoro - rutooro bible

Zab 21

¹Omu maani gawe, omukama nuho akyanganukira Ai MUKAMA; kandi aniinirwa muno omubukonyezi bwawe!

²Okamuha omutima gwe eki gwayegombere, kandi otamwime eminwa ye eki yakusabire.

³Okamutangiriza emigisa emirungi; okamuta ha mutwe ekondo ey'ezaabbu enungi.

⁴Akakusaba obwomeezi wabumuha; oteho n'obuhangaazi obw'ebiro n'ebiro.

⁵Ekitiinisa kye tikigambwa habw'obukonyezi bwawe; niwe wamuhaire kusemera, n'obukuru.

⁶Ego, niwe omufoora munyamugisa muno kukirra kimu boona, ebiro byona niiwe omuleetera omuniiniiro hamu n'omuhimbo ogw'amaiso gawe.

⁷Habwokuba omukama ayesiga MUKAMA; kandi habw'engonzi ezitayuga ez'Ogu Anyakuli haiguru muno, talitengeesibwa.

⁸Omukono gwawe gulizoora abanyanzigwa bawe boona, omukono gwawe ogw'obulyo gulizoora abo boona abakunoba.

⁹Obu olizooka, olibafoora nk'ekyoto ekituumire. MUKAMA alibamira boona habw'ekiniga kye; kandi omurro gulibacwekereza.

¹⁰Olihwerekereza oruzaaro rwabo orwihe omunsi, n'abaijukuru baabo obaihe omu bantu.

¹¹Obu baraaba nibategeka kukukora akabi, obu baraaba nibacika eby'itima, tibalisobora.

¹²Habwokuba olibahaahaaza olibateeba Omumaiso n'obuta bwawe.

¹³Onyumizibwe Ai MUKAMA, habw'amaani gaawe! Turazinaga nitukugiza obusobozi bwawe.