Read Runyoro - rutooro Zab 24 Bible Online

Zab 24 - Runyoro - rutooro bible

Zab 24

¹Ensi ya MUKAMA, na byona ebigiijwiremu, ensi yoona na boona abanyakugiikaramu;

²Habwokuba akagisimba ha nyanja, yagigumya ha bisaaru.

³N'oha alitemba orusozi rwa MUKAMA? Rundi n'oha alyemerra omukiikaro kye ekirukwera?

⁴Nuwe ogu anyakukora ebirungi kandi ow'omutima ogurukwera, atata mutima ha bintu eby'ebisuba, kandi atarahira n'obucwangya.

⁵Ogu nuwe alitunga omugisa gwa MUKAMA, kandi Ruhanga Omujuni we, alimwihaho omusango.

⁶Oruzaaro rw'abo abanyakumuserra, nukwo ruba ruti, abanyakuserra amaiso aga Ruhanga owa Yakobbo.

⁷Mukinguke, inywe malembo! Mwesame inywe, enyigi eza ira! Omukama w'ekitiinisa ataahemu

⁸N'oha Omukama ow'ekitiinisa? Nuwe MUKAMA ow'amaani kandi ow'obusobozi, MUKAMA ow'obusobozi omu bulemu.

⁹Mukinguke inywe malembo! Mwesame inywe, enyigi eza ira; MUKAMA ow'ekitiinisa ataahe.

¹⁰N'oha Omukama ow'ekitiinisa? MUKAMA ow'amahe, nuwe Omukama ow'ekitiinisa!