Read Runyoro - rutooro Zab 25 Bible Online

Zab 25 - Runyoro - rutooro bible

Zab 25

¹Hali iwe Ai MUKAMA, nuho ndukwimukiza okusaba kwange.

²Ai Ruhanga wange nkwesiga, otaikiriza nkaswazibwa; otaikiriza abanyanzigwa bange kunyebugira.

³Ego, otaleka n'omu anyakunihira omuli iwe kuswazibwa; ikiriza abo abacwangiza omu rwanju nubo bahemurwe.

⁴Mmanyisa emihanda yawe Ai MUKAMA; nyegesa empenda zawe

⁵Onyebembere ontomye omumazima gawe, habwokuba niiwe Ruhanga Omujuni wange; habwokuba niiwe nsiiba nteegeriize izooba lyona.

⁶Oijukege okuganyira kwawe Ai MUKAMA, n'engonzi zawe ezitayuga, habwokuba ebi, bikaruga ira na ira.

⁷Otaliijuka ebibi eby'obusigazi bwange, rundi ensobi zange; osigikire ha ngonzi zawe ezitayuga, onyijuke, habw'oburungi bwawe, Ai MUKAMA!

⁸MUKAMA murungi kandi muhikiriire; nukwo kuhabura abasiisi omu muhanda.

⁹Ayebembera abeebundaaza omubintu ebihikire, kandi abeegesa omuhanda gwe.

¹⁰Emihanda ya MUKAMA yoona, ngonzi ezitayuga kandi bwesige, hali abo abahikiriza endagaano ye n'ebiragiro bye.

¹¹Habw'ibara lyawe Ai MUKAMA, onganyire omusango gwange, habwokuba mukooto.

¹²Muntu ki anyakutiina MUKAMA? Ogu nuwe alihabura amute omumuhanda ogu asemeriire kutoma.

¹³Ogu wenka nuwe aligwagwana, kandi abaana be nubo balirya ensi.

¹⁴Omuganjano gwe guba gw'abo abanyakumutiina, kandi abo abamanyisa endagaano ye

¹⁵Amaiso gange nyikara ngahangire MUKAMA ebiro byona, habwokuba alitegurra ebigere byange abiihe omumutego

¹⁶Onkubukire kandi ongirre embabazi; habwokuba nyina amasu kandi n'obujune.

¹⁷Yugya emihito ey'omutima gwange, kandi onyihe omubujune bwange.

¹⁸Teekereza omuhito gwange n'obujune bwange, kandi onganyire ebibi byange byona.

¹⁹Teekereza obwingi obw'abanyanzigwa bange kandi nkooku barukuunoba muno muno.

²⁰Bairaba, olinde obwomeezi bwange, kandi onjune; otaikiriza nkaswazibwa, habwokuba niiwe nyebinga.

²¹Oburungi n'obunanu bwange nibyo bindindege, habwokuba, amaiso gange, gali omuli iwe Ai MUKAMA.

²²Cungura Isirairi Ai Ruhanga, omwihe omu mihito ye yoona.