Read Runyoro - rutooro Zab 28 Bible Online

Zab 28 - Runyoro - rutooro bible

Zab 28

¹Ai MUKAMA, niiwe ndukukunga, iwe oba mwandara gwange, otanga kumpuliriza, obu oranculeerra, ntaliikara kuba nk'abo abanyakusirimuka omukiina.

²Obu ndaakulirirraga ninkusaba onkonyere, obu ndaimukyaga emikono yange ngyolekiize ekiikaro kyawe ekirukwera, ohurrege okwesengereza kwange.

³Otalintwarraniza hamu n'ababi, hamu n'enkozi z'ebibi ezi, abanyakubaliza abataahi baabo amarungi, kandi kunu omu mitima yabo, harumu itima.

⁴Obasasule noobainganiza ha mulimo gwabo, noororra habubi obubarukukora; obasasule nk'emirimo yabo okw'erukusisana.

⁵Habw'okutatamu kitiinisa emirimo ya MUKAMA, emirimo ei yakozire n'emikono ye, alibaseesa, kandi taligaruka akabombeka.

⁶MUKAMA akugizibwe! Habwokuba ahuliire iraka ery'okwesengereza kwange.

⁷MUKAMA nuwe maani gange kandi ngabu yange; omutima gwange nuwe gwesiga; nikyo nkonyeriirwe, omutima gwange nikyo gukyanganukiire, kandi nikyo ndukuzinira ekizina eky'okumusiima.

⁸MUKAMA, nugo maani g'abantu be, nuwe bwirukiro bw'okujuna abaseesirweho amagita.

⁹Ai bambi MUKAMA, ojune abantu bawe, kandi ohe omugisa obugwetwa bwawe; niiwe obege muliisa wabo, kandi obarolerrege ebiro byona.