Read Runyoro - rutooro Zab 30 Bible Online

Zab 30 - Runyoro - rutooro bible

Zab 30

¹Ndakukugiza Ai MUKAMA, habwokuba onyimukize, tiwaikiriza banyanzigwa bange kunyenyumirizaaho.

²Ai MUKAMA Ruhanga wange, nkakukunga onkoonyere, kandi okankiza

³Ai MUKAMA, niiwe waimukize omwoyo gwange wagwiha nyabuyonga, niiwe wangarwiire omubwomeezi wanyiha omuli abo abaasirimukire omu kiina.

⁴Muzine nimukugiza MUKAMA, inywe abahikiriire be, kandi musiime ibara lye erirukwera.

⁵Habwokuba ekiniga kye kimara akacu kake kati, kandi embabazi ze z'ebiro byona. Kurra kusobora kwikara omu bwire bw'ekiro baitu omuhimbo gwija hamu n'obwire nibukya

⁶Nyowe, nagambaga nkyali omubusinge nti: “Tinditengesibwa ebiro byona.”

⁷Habw'embabazi zawe Ai MUKAMA, okangumya nk'orusozi orw'amaani; baitu hanyuma okasereka amaiso gawe, nahwa amaani.

⁸Iwe MUKAMA, niiwe nateriire omuranga, Iwe MUKAMA, niiwe nayesengeriize.

⁹“Kakuba nsirimuka omu Kiina, omu kufa kwange, harumu magoba ki? Ecuucu erikukugiza? Erisubirra ha bwesige bwawe?

¹⁰Hurra Ai MUKAMA, kandi ongirre embabazi! Ai MUKAMA, obe mukonyezi wange!”

¹¹Empamo zange okazifoora kizina; niiwe wanjwiire ebitengo, wanteega omuniiniiro,

¹²omwoyo gwange nukwo guleke kuculeera, baitu gukuhaisanize, Ai MUKAMA Ruhanga wange, ndaakusiimaga ebiro n'ebiro.