Read Runyoro - rutooro Zab 32 Bible Online

Zab 32 - Runyoro - rutooro bible

Zab 32

¹W'omugisa omuntu ogu anyakuganyirwa ebyokusisa bye ow'ekibi kye kiswekererwa.

²W'omugisa omuntu, ataina bubi MUKAMA obu amujunaana, ataina mwoyo ogw'obucwangya.

³Obu nayangire kugamba ebibi byange; habw'okusiiba ninsinda izooba lyona, nyena nkaanukira kimu.

⁴Habwokuba nyamusana n'ekiro, okanfubira; amaani gange gakakamuka, nk'orume okurwomebwa omusana gw'ekyanda

⁵Nkakwaturra ebibi byange, kandi ntakusereke bubi bwange; nkacwamu nti, “Ndigambira MUKAMA ebibi byange”; na iwe nubwo wanganyiire omusango ogw'ekibi kyange.

⁶Habweki, omuntu wena anyakugonza Ruhanga, akusabege omu kasumi ak'omuhito; Noobu halibaho entunga z'amaizi agarukusandaara bwango, tigalimuhikaho.

⁷Niiwe bwesereko bwange, niiwe ondinda, ntahikwaho omuhito; niiwe onzitirra n'okujuna.

⁸MUKAMA naagamba ati, ndikuragirra kandi nkwegese omuhanda ogu osemeriire kutoma; ndaakurolerraga, kandi ndaabaga muhabuzi wawe

⁹Mutaliba nk'embaraasi, rundi Endogoyi, ebitagira magezi, ebinyakuragirwa kutangwa n'ebyoma n'enkoba ezibitairwe omukanwa, kitali eki, tesobora kwikara na iwe.

¹⁰Ebisaaliza ababi bingi, baitu engonzi ezitayuga, zeehinguliriza ogu anyakwesiga MUKAMA.

¹¹Musemererwe omu MUKAMA, kandi mukyanganuke inywe abahikiriire, kandi muteere akoogo habw'omuhimbo, inywe ab'omutima oguterekeriire