Read Runyoro - rutooro Zab 35 Bible Online

Zab 35 - Runyoro - rutooro bible

Zab 35

¹Ai MUKAMA hakaniza abo abanyakumpakaniza; rwanisa abo abandwanisa!

²Kwata engabu yaawe n'akagabu, oimuke onkoonyere!

³Osomole icumu n'omuguma orwanise abo abandi omu kirale.

⁴Gambira obwomeezi bwange oti “Ninyowe Mujuni waawe” Kabaswazibwe kandi babundaazibwe abaserra kuhwerekereza obwomeezi bwange! Leka bagarurwe enyuma baburanganizibwe. Abanyakucika kunkora akabi!

⁵Basisane nk'ehunda enyakuhuuhurwa omuyaga, na Malaika wa MUKAMA abali enyuma naabafunya!

⁶Omuhanda gwabo gwijwemu omwirima kandi guterre, obu na malaika wa MUKAMA naabairukya naabahiiga!

⁷Habwokuba bakantega omuguha; bataina bulyo.

⁸Kandi baandimira obuhya mbutoole. Nibakaizirwe akabi ak'okuhwerekerra batamanyire. Kandi omuguha baategere baasereka nibakagutoole; nibakagutoole bakahwerekererramu!

⁹Obu nubwo obwomezi bwange bulikyanganukira MUKAMA, buniiniirwe.

¹⁰Nubwo ndigamba n'omutima gwange gwona nti: “Ai MUKAMA, n'oha arukusisana iwe, iwe anyakujuna enceke okabaihaho abo abarukubakirra kimu amaani empwamaani n'abaseege noobajuna abo abanyakunyaga ebyabo.”

¹¹Baakaiso ab'ihali nibaimuka; nibankaguza ebintu ebintamanyireho.

¹²Omukiikaro ky'oburungi nibansasuramu obubi; ngwire ensazi.

¹³Baitu bo obu baarwaire, nyowe nkajwara ebitengo nkagaragara, obu otaireho n'okusiiba. Nasabaga nyinamize omutwe gwange ha kifuba,

¹⁴oti rundi nkaba ninganya habw'enganjani yange rundi owa mau; nagendagendaga nk'omuntu arukuterra nyina empamo, nyinamire hansi obujune buraaliire kunyita.

¹⁵Baitu nyowe obu nagwire omu kabi, bakasorrokana n'omuhimbo, bakeesorooza kunsekereza; ebirema ebi nkaba ntamanyire byanswahiriza obutaleka;

¹⁶Obu otaireho n'okutatiina Ruhanga bakeeyongera kunsekerereza kimu, nibaanenera amaino

¹⁷Ai MUKAMA, olihikya nkaha kwikara oroleriire kwonka? Onsahule kunyiha omu kuhwerekerra kwabo, obwomeezi bwange obwihe omu ntale!

¹⁸Nubwo ndikusiimira omu kitebe ky'abantu ekikooto; Omu bantu abaingi muno ndikukugiza

¹⁹Baitu abo abanyanzigwa bange baleke kunyebugiraho, kandi abo abaanobera busa baleke kwesiima.

²⁰Habwokuba tibabaza eby'obusinge, baitu abo abagonza obusinge omunsi babacwererra ebisuba.

²¹Baanyesamiza akanwa kaabo nibagamba bati: “Ahaa, Ahaa! Amaiso gaitu gakakirora!”

²²Ai MUKAMA; Iwe orozire, otaculeera! Ai MUKAMA otanyikara hara!

²³Ruhanga wange kandi MUKAMA wange, imuka wenka, ondwanirre; imuka orwanirre obulyo bwange kandi oncweremu.

²⁴Ai MUKAMA, Ruhanga wange, Onyiheho omusango nkoobuhikiriire bwawe oku buli; Otaleka bakanyebugira.

²⁵Bo bonka bataanyenyumirizaaho nibagamba bati “Ego, tutungire eky'omutima gwaitu gwegomba!” Bataija kugamba, “Tumumizire weena”

²⁶Abanyakusemererwa habw'omuhito gwange boona baswazibwe kandi baburanganizibwe! Leka boona bajwekwe ensoni babundaazibwe abateekereza ngu nibankira.

²⁷Leka abo abagonza nyihweho omusango bahaguke n'omuhimbo n'okusemererwa, kandi baikalege nibagamba bati, “MUKAMA w'Ekitiinisa anyakusemerererwa omugisa gw'omwiru we!”

²⁸Nubwo orulimi rwange rulisubirra ha buhikiriire bwawe kandi hakukugizibwa kwawe okwiza obwire.