Read Runyoro - rutooro Zab 36 Bible Online

Zab 36 - Runyoro - rutooro bible

Zab 36

¹Ekibi obu kimara kuhama omu mutima gw'omutu omubi, kimuhwehweterra kiti, leka kusiiba waatiinire Ruhanga

²Habwokuba, ayerora ayenyumiza wenka, naateekereza ati, obubi bwe tibusobora kuzoorwa n'okunobwa.

³Byona ebi abaza, biba by'itima n'obucwangya; akalekera aho kukora eby'amagezi kandi ebirungi.

⁴Acika kukora eby'itima, akyabyamire ha kitabu kye; ayeta omu muhanda ogutali murungi; tagaya bubi.

⁵Ai MUKAMA, engonzi zawe ezitayuga zihika haiguru obwesige bwawe bukwata ha bicu.

⁶Okuhikirra kwawe kusisana ensozi za Ruhanga, emicwere yawe ey'emisango esisana nk'enziha enyakuhamire; Ai MUKAMA, niiwe ojuna abantu n'ebisoro.

⁷Ai Ruhanga, engonzi zawe ezitayuga, ka z'omuhendo! Omu kiituuru ky'amapapa gawe, nuho beebinga.

⁸Baiguta ebingi ebitabarwa eby'enju yawe, kandi niiwe wabahaire ekyokunywa ekyarugire omu kisaaru ky'okusemererwa kwawe.

⁹Habwokuba, omuli iwe, nuho hali ensoro y'obwomeezi; omu kyererezi kyawe, nuho turorra ekyererezi.

¹⁰Bairaba, oyongere kwikara n'engonzi zawe ezitayuga, hali abo abakumanyire kandi oyongere kujuna ab'omutima oguterekeriire!

¹¹Otaliikiriza ekigere ky'ow'emyehembo kumpikaho, rundi omukono gw'omuntu omubi kumbingira hara.

¹²Oku, enkozi z'ebibi nambere zijuumaire, baigatiriirwe hansi, tibasobora kwimuka.