Read Runyoro - rutooro Zab 38 Bible Online

Zab 38 - Runyoro - rutooro bible

Zab 38

¹Ai MUKAMA, otanfubira oine ekiniga, rundi okambonabonesa oina obukaya!

²Habwokuba emisogi yaawe entaahiire omu mubiri kandi omukono gwawe gunyigatiriire hansi.

³Habw'ekiniga kyawe, omunyama yange busamu maani; habw'ekibi kyange amagufa tigarumu bwomeezi.

⁴Habwokuba ebibi byange bimpikire ha mutwe eruguru; nibiremeera nk'omugugu ogu ntasobora kuhimba.

⁵Habw'obudomadoma bwange, ebihuta byange bijunzire kandi nibinunka.

⁶Nyeena nyegemiire kimu kandi nyejuumikire; omusana gwona nsiiba ninganya.

⁷Habwokuba ebibero byange biijwire ekirro, kandi ndoleriire ekituuro.

⁸Ngwire ensazi ncwekacwekere; ninsiinda habwokutuntura omu mutima gwange.

⁹MUKAMA, ebindukwitanira byona obimanyire, n'okusinda kwange tibikuserekerwe.

¹⁰Ninteerwa ebikiratima amaani gampoiremu; kandi amaiso gange gahimbaire tinkyahweza.

¹¹Enganjani zange n'abataahi banyesunguswire habwomuhito gwange, kandi abanyaruganda baanyemeriire hara.

¹²Abo abarukuserra kunnyita bantegere emitego abo abarukuserra kumputaaza nibahaya kumpwerekereza, kandi nibacika eby'obucwangya izooba lyona.

¹³Baitu ninsisana kifamatu, timpurra ninsisana kateta owatasobora kwesamya akanwa ke akabaza

¹⁴Ego, nsisana nk'omuntu atahurra kandi atasobora kuhana n'akanwa ke.

¹⁵Ai MUKAMA, baitu nyowe ninihira omuli iwe; niiwe, Ai MUKAMA Ruhanga wange owalingarukamu.

¹⁶Habwokuba ninsaba kimu kyonka, abo abanyakuhurra ndi omu bujune baleke kunyebugira!

¹⁷Habwokuba okugwa kundi haihi obusaalizi bwange nibunyikaraho.

¹⁸Ninyegarukamu obusiisi bwange, nsaaliirwe habw'ekibi kyange.

¹⁹Abanyanzigwa bange abo abarukumpigira busa b'amaani, kandi abaingi nubo abo abarukuunoba nibagonza kunkora akabi.

²⁰Abo abankorra ebibi kandi kunu nyowe mbakoliire ebirungi nubo bahiigani bange, habwokuba ngonza kukora ebirungi.

²¹Ai MUKAMA otampemukira! Ai Ruhanga wange, otanyikara hara!

²²Orahuke okunkonyera, Ai MUKAMA, niiwe okujunwa kwange!