Read Runyoro - rutooro Zab 39 Bible Online

Zab 39 - Runyoro - rutooro bible

Zab 39

¹Nkagamba nti: “Ndyerinda omu ngeso zange, nubwo ndeke kusiisa nakalimi kange; akasumi koona ababi aka baraabaga bali omumaiso gange, ndabohaga akanwa kange.”

²Nkeefoora kiteta naculeera, baitu nkerindira busa; obujune bwange bukeeyongera kukiraho,

³Omutima gwansarra omunda, obu nkaba ninyecumiitiriza muno, omurro gwamekuka; nubwo nagambire n'orulimi rwange nti:

⁴“MUKAMA, mmanyisa empero yange, n'orulengo rw'ebiro byange; mmanyisa obwomeezi bwange nkooku burukwiruka!

⁵Dora, ebiro byange, okabifoora ntambu nke, kandi obwomeezi bwange bwona, oburora nk'amasa. Mananukwo buli muntu aroho nk'orwoya kwonka.

⁶Mazimakwo omuntu, agendagenda nk'ekiituuru Malimali atalibanira busa; asorooza itungo, tamanya ow'aliritwara itungo!

⁷“Hati nu MUKAMA ntegeriize ki? Niiwe kunihira kwange.

⁸Onjune onyihe omubibi byange byona. Otanfoora kintu ky'okugaywa, abadoma.

⁹Ndi kiteta, tinyesamya kanwa kange; habwokuba eki, niiwe wakikozire.

¹⁰Lekera aho kundengesa; habwokuba emiigo yawe wantiire n'ebifubiro byawe bimmazireho.

¹¹Obu oba noofubira omuntu habw'ebibi bye, kyona eki agonza, okimarraho kimu nk'enyenje; mazima kwo, omuntu wena, aba rwoya kwonka!

¹²Ayi MUKAMA, ohurre okusaba kwange, otegere okutu omukungo gwange; nyowe arukurra, onkonyere. Habwokuba ndi mugenyi wawe arukuhingura, Omugoonyi nka baisenkuru nyowe boona.

¹³Onganyire nukwo ngarukwemu amaani, ntakarugire hanu nkahera.”