Read Runyoro - rutooro Zab 41 Bible Online

Zab 41 - Runyoro - rutooro bible

Zab 41

¹W'omugisa ogu anyakuteekerezaaho abanaku! Obw'aba omukabi, MUKAMA amujuna;

²MUKAMA amulinda kandi amwomeeza; omunsi, ayetwa w'omugisa, tamulekera banyanzigwa be, kumukora nkooku barukugonza.

³MUKAMA amukwatirirra hakitabu kye eki arwaliireho; obw'aba ali murwaire, omutambira obuceke bwe bwona.

⁴Baitu nyowe nkagamba nti: “Ai MUKAMA ongirre embabazi, ontambire, habwokuba nkakusiisira!”

⁵Habw'ihali, abanyanzigwa bange bangambaho bati: “Alifa di, ibara lye likahwerekerra?”

⁶Omuntu obu ambungira, abaza ebigambo ebitali by'amazima, kandi kunu omutima gwe gurumu itima; obw'arugaho akagenda, akimaza ensi.

⁷Boona abaannobere, bahwehweterra nibambazaaho; nibategeka kunkora kubi.

⁸“Ekintu ekibi kaita kimwebohereho; nambere agwiire taligaruka kwimukaho.”

⁹Noobwakubaire munywani wange nfe na nfe ou twalyaga hamu anyefookoliire.

¹⁰Baitu iwe Ai MUKAMA, ongirre embabazi, kandi onyimukye, nukwo mbakole nkooku bankozire!

¹¹Kinu nikyo ndaamanyiraho nkooku ongonza, habwokuba abanyanzigwa bange tibansingwire.

¹²Baitu habw'oburungi bwange, iwe okankwatirra, wanteekaniza Omumaiso gawe, nuho nyikale obusinge bwona.

¹³Ebiro n'ebiro, akugizibwe MUKAMA Ruhanga owa Isirairi Amiina kandi Amiina.