Read Runyoro - rutooro Zab 42 Bible Online

Zab 42 - Runyoro - rutooro bible

Zab 42

¹Ai Ruhanga, empara nkooku eyakirirwa neyegomba obwambu bw'amaizi n'obwomeezi bwange nukwo gurukwakirirwa habwawe.

²Omwoyo gwange gukwatirwa Ruhanga ekyaka, Ruhanga omwomeezi. Ndigenda di nkarora amaiso ga Ruhanga?

³Amaizi ag'omumaiso gange, nibyo byokulya ebi ndya izooba lyona n'ekiro kyona, obu, abantu nibankaguza obutaleka bati, “Ruhanga wawe araha?”

⁴Obu nyijuka ebyahingwire obu nagendaga omunju ya Ruhanga n'ebitebe by'abantu, nkabeebembera nibarubata, ekitebe ekirukusemererwa nikizina nikitoka nikihaisaniza muno Ruhanga, omutima gunsarra.

⁵Mwoyo gwange, kiki ekirukukutuntuza kiti, kandi kiki ekikubulize eteeka omunda yange?

⁶Nihira omu Ruhanga; habwokuba ndigaruka mmukugize, Ogu omukonyezi wange kandi Ruhanga wange Omwoyo gwange obu guba n'obujune omunda yange, nteekerezaaho iwe; okurugirra omunsi eya Yorudaani na Hamoni, nkuteekerezaaho iwe, orusozi nyakwebundaaza okurugirra ha rusozi Mizira.

⁷Ebiisurumba byawe obu bihirra, ekiinongoro kyeta ekiinongoro, ebigonzi byawe byona n'empaya bimbuutikiire.

⁸Nyamusana MUKAMA ayoleka engonzi ze ezitayuga; ekiro nzina ekizina kye, niyo saara ei nsaba Ruhanga ow'obwomeezi bwange.

⁹Nkaguza Ruhanga omwandara gwange nti: “Onyebiirwe ki? Habwaki nyikara ninganya habw'omunyanzigwa wange kumbonabonesa?”

¹⁰Obu barukuba nibankaguza obutaleka bati, “Kandi Ruhanga wawe ali nkaha?” Nibansaaliza nk'arukusaalizibwa ekihuta ekinyakundi omu mubiri, ekiraaliire kunyita.

¹¹Mwoyo gwange, kiki ekirukukutuntuza kiti kandi kiki ekikubulize eteeka omunda yange? Nihirra omu Ruhanga; habwokuba ndigaruka mukugize omukonyezi wange, kandi Ruhanga wange.