Read Runyoro - rutooro Zab 5 Bible Online

Zab 5 - Runyoro - rutooro bible

Zab 5

¹Ai MUKAMA, ohurre ebigambo byange; oteekereze hakusinda kwange.

²Iwe MUKAMA wange kandi Ruhanga wange, ohurre nyowe arukukwamirra, habwokuba niiwe nsaba.

³Obwire obu buba buli haihi kukya ohurra iraka lyange; emamba obu eba neesara, nkuteekaniriza ekyonzira, nkuhanga amaiso.

⁴Habwokuba toba Ruhanga anyakusiima obubi; ababi tibasobora kwikara na iwe.

⁵Abanyakwenyumiza tibasobora kwemerra omumaiso gaawe; Iwe onoba enkozi z'ebibi zoona.

⁶Ohwerekereza abo abanyakubaza ebisuba. MUKAMA atamwa abantu abanyakutuubira kuseesa esagama kandi engobya.

⁷Baitu nyowe habw'engonzi zaawe ezisagaine kandi ezitayuga, nditaaha omunju yaawe, ndaramyaga ninkutamu ekitiinisa, ndoleriire enju yaawe erukwera.

⁸Ai MUKAMA, onyebembere omumuhanda ogw'okuhikiirra kwawe, habwokuba nyina abanyanzigwa baingi abantegeriize; onterekereze omuhanda gwawe nugwo nkwate.

⁹Habwokuba ebi barukubaza tibiri by'okwesiga; ekibarukugonza kiri kimu kyonka nukwo kuhwerekereza, emimiro yabo bituuro ebyesamiriire, baine orulimi orw'akasiigo.

¹⁰Ai Ruhanga, obasingise omusango; bahwerekerezibwe ebihanuuro byabo byonyini; habw'ebibi byabo ebingi obahungule aheeru, habwokuba bakakwemera.

¹¹Baitu boona abakwebinga baikalege nibakyanganuka, baikalege nibazina habw'omuhimbo, ebiro n'ebiro; kandi obarwanirrege, abo abagonza Ibara lyawe nukwo bakwenyumirizeemu.

¹²Niiwe omusangiriza embabazi nk'arukumukingira n'engabu.