Read Runyoro - rutooro Zab 52 Bible Online

Zab 52 - Runyoro - rutooro bible

Zab 52

¹Muntu iwe ow'obusozi, nooyenyumiriza ki, habw'obubi obukolerwa abagonza Ruhanga?

²Iwe kalibucwangya izooba lyona osiiba noocika kuhwerekereza. Orulimi rwawe, nirusisana akahyo akatoire,

³Ogonza obubi okukira oburungi, n'okubiiha ebisuba okukira kubaza amananu.

⁴Iwe ow'orulimi orw'obucwangya, ogonza ebigambo kahwerekereza.

⁵Baitu Ruhanga alikucwacwana akukatule hansi nuho oikale ebiro byona; alikuhwangura akutaagataagule akwihe omu heema yawe; alikukuura omunsi ey'aboomeezi.

⁶Abantu abarungi balirora ekintu eki batiine, kandi balisekeereza omuntu ogu nibeekaguza bati,

⁷“Murole omuntu ogu ayayangire kufoora Ruhanga bwirukiro bwe. Ayayangire kwebinga Ruhanga, baitu yayesiga ituungo erihinguraine, yaserra obugumizo omu buguuda bwe!”

⁸Baitu nyowe ndi omunju ya Ruhanga, ninsisana omuti omuzaituuni ogwomiire. Nyesiga engonzi za Ruhanga ezitayuga ebiro byona.

⁹Ndaakusiimaga ebiro byona, habwokuba eki, niiwe wakikozire. Ndaarangirraga ibara lyawe omumaiso g'abagonza Ruhanga, habwokuba lirungi.