Read Runyoro - rutooro Zab 58 Bible Online

Zab 58 - Runyoro - rutooro bible

Zab 58

¹Inywe abalemi, mazimakwo mutaho ebiragiro ebihikire? Abantu mubacweramu omu bwinganiza?

²Obu kiraaba kitali kyo, omu mitima yanyu muhanuura ebibi; emikono yanyu ekora eby'obuhoogozi.

³Ababi bahaba nibakyaruga omunda, batandika kusobya nibakyazaarwa, babiiha ebisuba.

⁴Baine obusegu nk'obwenjoka, nibasisana nk'empoma etarukuhurra, enyakweyigara amatu,

⁵nukwo ereke kuhurra iraka ly'abarogo, rundi ekizina ekya kalimagezi ow'amasano.

⁶Ai Ruhanga, obaihe amaino ag'omukanwa kaabo; Ai MUKAMA okaturreyo kimu ebisongezo eby'entale ensigazi.

⁷Obaleke bahwerre nk'amaizi aganyakugera gakairuka; barubatiriwe hansi nk'obunyansi oku burubatirirwe bahotoke.

⁸Basisane nk'ekitindinda ekinyakwagira omubikakamira byakyo, basisane nk'omwana anyakutoroogwa atarora izooba ebiro byona.

⁹Obu baba batakakimanyire, batemwa banagwa hansi nk'omwata; Ruhanga omukiniga kye, naakabahuulikye bakyali boomeezi.

¹⁰Omuntu ahikiriire aliniiniirwa obwalirora obuhoozi bw'enzigu; ebigere bye alibinaabisa omusagama y'ababi.

¹¹Abantu baligamba bati: “Mananu kwo haroho empeera y'abahikiriire; Mazima kwo haroho Ruhanga anyakucwera ensi emisango”