Read Runyoro - rutooro Zab 62 Bible Online

Zab 62 - Runyoro - rutooro bible

Zab 62

¹Obwomezi bwange butegeriize Ruhanga wenka buculiire; omuli uwe, nuho handugira okujunwa

²Uwe wenka nuwe mwandara gwange, kandi nuwe kujunwa kwange, nuwe kigo kyange ekigumire; tinditengesibwa muno.

³Inywena, mulihikya nkaha, kwikara nimuseesira omuntu ow'arukusisana ekisiika ekigogomere, ow'arukusisana orugo orurukuzongazonga, nukwo mumusasangule?

⁴Eki murukugonza kiri kimu kyonka, nukwo kumwiha omu kiikaro kye eky'ekitiinisa. Okusemererwa kwange, nukwo kubiiha ebisuba mubaza ebigambo eby'okusaba omugisa, baitu omu mutima gwanyu, nimumucwera eby'okumwita.

⁵Habwokuba obwomeezi bwange, butegeriize Ruhanga wenka buculiire, habwokuba nuwe kunihira kwange.

⁶Uwe wenka nuwe mwandara n'okujunwa kwange, nuwe kigo kyange ekigumire; tinditengesibwa

⁷Okujunwa n'ekitiinisa kyange biri hali Ruhanga; omwandara gwange ogw'amaani, obwirukiro bwange nuwe Ruhanga.

⁸Inywe bantu, mumwesigege obusumi bwona; mumusuukurre omutima gwanyu; Ruhanga nuwe bwirukiro bwaitu.

⁹Abantu ab'orukarra orwa hansi rwoya kwonka, abantu ab'orukarra orwa haiguru mabiiho; bombi bate ha minzani nibanguhirra kukira orwoya.

¹⁰Mutalinanukira obunyagi mulekege kunihiraga busa kutungisibwa obusuma; itungo lyanyu obu liraayeyongeraga, mulekege kulitaho omutima.

¹¹Ruhanga abalize omurundi gumu; nyowe, kinu nkihuliire kabiri: obusobozi nkooku buba bwa Ruhanga;

¹²kandi Ai MUKAMA, engonzi ezitagarukirra, nkooku ziba zawe, Habwokuba iwe, osasurra kimu omuntu, noororra ha mulimo gwe.