Read Runyoro - rutooro Zab 64 Bible Online

Zab 64 - Runyoro - rutooro bible

Zab 64

¹Ai Ruhanga, ohurre iraka lyange, obu nkutonganaho; olinde obwomeezi bwange butatiina abanyanzigwa,

²Onsereke hali empanuura z'ababi, na hali okwekoba kw'enkozi z'ebibi,

³abanyakutekera endimi zaabo nk'empirima, abanyakuteeba ebigambo ebirukusaarra nk'emisogi,

⁴nibarasa ataina musango kuruga nambere baba beeserekere, nibamurasa bwango bataina butiini.

⁵Bagumira kimu ha bigendererwa byabo ebibi; babazaaho kutega emitego omunsita, nibateekereza ngu “N'oha asobora kuturora?”

⁶N'oha asobora kuseruliriza emisango yaitu? Tukacika encika etasobora kwetegerezibwa. Habwokuba ebiteekerezo by'omuntu n'omutima gwe bihamire!

⁷Baitu Ruhanga alibarasa emisogi; balihutaazibwa bwango.

⁸Habw'orulimi rwabo alibatwara omu kuhwerekerra; boona abalibarora balihungya emitwe.

⁹Abantu boona nubwo balitiina; balitebya omulimo gwa Ruhanga, becumiitirizeeho eki yakozire.

¹⁰Omuntu ahikiriire kaasemerererwa omu MUKAMA, kandi amwebinga! Boona abasemiire omu mitima bahaisanize.