Read Runyoro - rutooro Zab 65 Bible Online

Zab 65 - Runyoro - rutooro bible

Zab 65

¹Niiwe osemeriire kukugizibwa, Ai Ruhanga. Anyakwikara Siyoni; kandi eby'oraganizibwa bihikiriire kuhikirizibwa,

²Ai iwe anyakuhurra esaara! Abantu boona baliija hali iwe, n'ebibi byabo byona.

³Ebibi byaitu noobu bitukiza amaani, obituganyira.

⁴Muhiirwa omuntu ogu ou wakomere wamwiriza haihi araale omu bikaali byawe! Turaasemezibwaga oburungi obw'enju yawe, enju yawe erukwera!

⁵Otugarukamu n'okujuna kwawe nookora ebikorwa ebirukukanga, Ai Ruhanga ow'okujunwa kwaitu, okunihira kw'empero z'ensi yoona, kandi obw'amayanja agarukukirra kimu kuba hara muno;

⁶ayasimbire ensozi n'amaani gawe, oina obusobozi; anyakuleetera amayanja agarukuhirra kuteeka,

⁷anyakuculeeza ebigonzi, anyakwihaho akambayaaya ak'amahanga;

⁸abo abanyakwira ha mitaano ey'ensi erukukirra kimu kuba hara, nukwo batiine ebintu ebyokora; niiwe okiisa obwire kandi obwiza n'omuhimbo.

⁹Obungira ensi yoona kandi ogiitirra amaizi, ogitungisa kandi ogitamu orwezo ebisaaru obiijuza amaizi, otungira ensi ebyokulya; habwokuba nukwo wakiteekaniize oti.

¹⁰Niiwe oitirra muno emikura yayo, nogiteeraho ebituuti, ogyorobya nooginagira enjura enyingi, kandi oha omugisa ebibyarwa byayo.

¹¹Ofundikira omwaka noogikorra ebirungi bingi; ebirale eby'ekigaali kyawe, biijwire ebisajwa

¹²Amaliisizo ag'omwirungu gamoomere ensozi zijwire omuhimbo.

¹³Amaliisizo garumu amagana, ebihanga binyina engano abantu nibateera emizira kandi nibazina habw'omuhimbo.