Read Runyoro - rutooro Zab 66 Bible Online

Zab 66 - Runyoro - rutooro bible

Zab 66

¹Muzinire Ruhanga n'omuhimbo, inywe ensi yoona;

²Muzine ha kitiinisa k'Ibara lye; mukugize nimumutamu ekitiinisa!

³Mugambire Ruhanga muti: “Ebintu ebyakora ka nibihuniriza!” Obusobozi bwawe bw'amaani habweki abanyanzigwa baawe beebundaaza Omumaiso gaawe.

⁴Ensi yoona ekuramya; bazina eby'okukuhaisaniza, nibazina eby'okuhaisaniza ibara lyawe.

⁵Mwije murole Ruhanga ebi yakozire: ebi yakozire omubantu nibitiinisa.

⁶Enyanja akagifoora ensi eyomere; abantu baarubata n'ebigere nibaraba omukisaaru. Oku nuho twakyanganukire habw'ekiyakozire,

⁷anyakulema n'obusobozi ebiro byona, amaiso ge ou gaikara garoleriire abeemi baleke kwenyumiza.

⁸Muhaisanize Ruhanga waitu, inywe amahanga inywena, iraka ery'okumukugiza kalihulirwe,

⁹ayatulindiire omu boomeezi, ataralekere ebigere byaitu bikaterebuka.

¹⁰Habwokuba iwe, Ruhanga waitu, okatulengesa; nk'efeeza nkooku esemezibwa omumurro naitwe nukwo watulengere.

¹¹Okatuleka twagwa omukitimba; emigongo yaitu wagitayo emigugu erukulemeera;

¹²Okaleka abasaija batutemba ha mitwe; tukagenda nituraba omumurro n'omu maizi;

¹³Ndaija omunju yaawe n'ebihongwa ebyokwokya; Ndikuha ebi ebinayeragire,

¹⁴Eby'eminwa yange yayatwire n'akanwa kange ebi kayeragire obu nkaba ndi omu muhito.

¹⁵Ndikuhongera ebihongwa eby'ebisajwa, n'omwika ogw'ebyonzira by'entaama empaya; Ndikuha ebihongwa eby'enimi n'embuzi.

¹⁶Mwije muhurre inywe inywena abatamu Ruhanga ekitiinisa, ndibatebeza eki yankoliire.

¹⁷Nkamukunga omuranga muno, orulimi rwange rukamunyumiza.

¹⁸Kakuba nalinzire obubi omu mutima gwange, MUKAMA taakumpuliriize.

¹⁹Baitu mananukwo Ruhanga akahuliriza; okusaba kwange akakuhuliriza.

²⁰Ruhanga ahaisanizibwe habwokuba okusaba kwange atakwange rundi engonzi ze ezitayuga atazinyiheho!