Read Runyoro - rutooro Zab 76 Bible Online

Zab 76 - Runyoro - rutooro bible

Zab 76

¹Ruhanga amanyirwe omunsi Yuda, omu Isirairi, ibara lye ly'ekitiinisa.

²Oburaaro bwe bukagumira kimu Salemu. Obwikaro bwe bwaguma omu kiikaro Siyoni.

³Oku nuho yacwacwaniire emisogi eyerukumyalikya, engabu, empirima n'ebyokurwanisa eby'obulemu.

⁴Iwe oli w'ekitiinisa, w'obusobozi okukira ensozi ezaakabaireho kara na kara.

⁵Emanzi ikaihwaho omunyago gwazo; bakabyamira kimu baagwijagira. Abasaija boona abanyakurwana obulemu, bakaba batarukusobora kwekonyeza emikono yabo.

⁶Ai Ruhanga owa Yakobbo, obu ohana, omutembi w'embaraasi n'embaraasi, byombi biburwa amagezi.

⁷Baitu iwe, niiwe kitiinwa! Obu omara kubiihirwa, n'oha ow'asobora kukwema omumaiso?

⁸Iwe okeema omwiguru wacwa omusango, ensi ekatiina yaculeera cii.

⁹Ruhanga obu ayemerra kucwa omusango n'okujuna abanyakwebundaaza boona ab'omunsi,

¹⁰Okubiihirwa okw'omuntu kwongera kwonka ha kitiinisa kyawe; abatabuka ekiniga kyawe, balikweteega nk'omweko;

¹¹Muraganizeege MUKAMA Ruhanga wanyu, kandi ebi mumuraganiize, mubihikirizeege; Ogu anyakutiinisa mumurabuke ebisembo, inywena abamwehinguliriize;

¹²Ogu anyakubundaaza abalemi abemyehembo kandi katiinisa abakama ab'ekitiinisa.